QR Parlamenti Májilisiniń Zańnama jáne sot-quqyqtyq reforma komiteti «QR Úkimeti týraly» QR-nyń Konstitýtsiialyq zańyna ózgerister engizý týraly» QR Konstitýtsiialyq zańynyń jobasyn jumysqa aldy. Zań jobasy jaýapty hatshy institýtyn taratýdy kózdeidi, dep habarlaidy "Ult aqparat".
Atalǵan másele boiynsha Májilistiń jalpy otyrysynda sóz sóilegen Zańnama jáne sot-quqyqtyq reforma komitetiniń tóraǵasy Qanat Mýsinniń aitynsha, zań jobasy Memleket basshysynyń 2020 jylǵy 1 qyrkúiekte jariialanǵan Qazaqstan halqyna Joldaýyn oryndaý úshin ázirlendi.
«Sonda-aq jaýapty hatshy istitýtyn taratý jóninde naqty tapsyrma berildi. Jaýapty jatshy institýty taratylǵan kezde olardyń mindetteri ministrlikterdiń apparat basshylaryna júkteledi. Zań jobasyn qabyldaýdyń áleýmettik-ekonomikalyq nátijesi memlekettik apparattyń turaqtylyǵy, memlekettik organdardyń birinshi basshylarynyń jaýapkershiligin arttyrý bolyp sanalady. Komitet atalǵan zań jobasyn jumysqa alýǵa jáne ol boiynsha 2021 jylǵy 26 qarashaǵa deiin qorytyndy ázirleýge daiyn», - dedi Májilis depýtaty.
