Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine ziiatkerlik menshik calasyndaǵy zańnamany jetildirý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy "Ult aqparat".
Zań jobasyna Parlament Májilisiniń depýtattary 2020 jyly halyqaralyq tájiribelerdi taldaý negizinde bastamashylyq jasady. Ol 2018 jyly qabyldanǵan ulttyq zańnamalyq normalardy damytýǵa baǵyttalǵan, sondai-aq Ekonomikalyq yntymaqtastyq jáne damý uiymynyń standarttaryna kóshýdi qamtamasyz etedi.
«Májilistiń tapsyrmasy boiynsha Ádilet ministrligi Reed Smith kompaniiasynyń zań konsýltanttaryn tarta otyryp, zańnama men quqyq qoldaný praktikasyna taldaý júrgizdi. Taldaý qorytyndysy boiynsha Ádilet ministrligimen birlese otyryp, osy salany odan ári damytý boiynsha usynystar ázirlendi. Jumystyń nátijeleri depýtattyq bastamaǵa negiz boldy», - dep túsindirdi Májilisiniń depýtaty Gúlnar Bijanova.
Zań jobasynda mynadai túzetýler usynylǵan:
- avtorlardyń zańdy alymdar men syiaqylar alý quqyqtaryn qorǵaý maqsatynda ujymdyq uiymdar qyzmetiniń ashyqtyǵyna qoiylatyn talaptar kúsheitiledi;
- ulttyq brendteýdi damytý jáne ótkizý naryǵyn keńeitý maqsatynda «geografiialyq nusqaý» degen jańa obekt engiziledi;
- tirkelmegen ónerkásiptik úlgilerdi qorǵaý úshin «qysqa merzimdi qorǵaý» rejimi engiziledi;
- taraptardyń «oppozitsiialyq» júieni qoldaný múmkindikteri keńeitiledi. Bul jańalyq ótinim satysynyń ózinde tirkeýge qarsylyq bildirýge ruqsat beredi;
- patenttik senim bildirilgen ókilderdiń qyzmetin retteýge qoiylatyn talaptar naqtylanady. Bul quqyq ielenýshilerdiń zańdy quqyqtary men múddelerin qorǵaýdyń sapasyn qamtamasyz etýge múmkindik beredi.
«Birqatar túzetýler ulttyq zańnamany ziiatkerlik menshik salasyndaǵy halyqaralyq aktilermen úndestirý qajettiligine bailanysty. Osy zań jobasynyń mańyzdylyǵyn, onyń eldegi ziiatkerlik menshik salasyn damytý, quqyq ielenýshilerdiń zańdy quqyqtary men múddelerin qorǵaý úshin saldaryn eskere otyryp, Ulttyq ziiatkerlik menshik institýtyna baryp, Zańnama jáne sot-quqyqtyq reforma komitetiniń keńeitilgen otyrysy ótkizildi. Máselelerdiń keń aýqymyn talqylaýǵa kórnekti halyqaralyq jáne otandyq sarapshylar, Eýraziialyq patenttik vedomstvonyń basshysy, sýdialar, Sot tóreligi akademiiasynyń basshysy, ǵylym, shyǵarmashylyq intelligentsiia, avtorlyq qoǵamdastyqtar men múddeli memlekettik organdardyń ókilderi tartyldy. Zań jobasyn qabyldaý ziiatkerlik menshikke arnalǵan quqyqtardy qorǵaýdy odan ári kúsheitýge jáne ziiatkerlik menshik salasyndaǵy daýlardy obektivti sheshý úshin jaǵdailar jasaýǵa yqpal etetinine senimdimiz», - dedi depýtat.
