پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە زيياتكەرلٸك مەنشٸك cالاسىنداعى زاڭنامانى جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى "ۇلت اقپارات".
زاڭ جوباسىنا پارلامەنت مەجٸلٸسٸنٸڭ دەپۋتاتتارى 2020 جىلى حالىقارالىق تەجٸريبەلەردٸ تالداۋ نەگٸزٸندە باستاماشىلىق جاسادى. ول 2018 جىلى قابىلدانعان ۇلتتىق زاڭنامالىق نورمالاردى دامىتۋعا باعىتتالعان, سونداي-اق ەكونوميكالىق ىنتىماقتاستىق جەنە دامۋ ۇيىمىنىڭ ستاندارتتارىنا كٶشۋدٸ قامتاماسىز ەتەدٸ.
«مەجٸلٸستٸڭ تاپسىرماسى بويىنشا ەدٸلەت مينيسترلٸگٸ Reed Smith كومپانيياسىنىڭ زاڭ كونسۋلتانتتارىن تارتا وتىرىپ, زاڭناما مەن قۇقىق قولدانۋ پراكتيكاسىنا تالداۋ جٷرگٸزدٸ. تالداۋ قورىتىندىسى بويىنشا ەدٸلەت مينيسترلٸگٸمەن بٸرلەسە وتىرىپ, وسى سالانى ودان ەرٸ دامىتۋ بويىنشا ۇسىنىستار ەزٸرلەندٸ. جۇمىستىڭ نەتيجەلەرٸ دەپۋتاتتىق باستاماعا نەگٸز بولدى», - دەپ تٷسٸندٸردٸ مەجٸلٸسٸنٸڭ دەپۋتاتى گٷلنار بيجانوۆا.
زاڭ جوباسىندا مىناداي تٷزەتۋلەر ۇسىنىلعان:
- اۆتورلاردىڭ زاڭدى الىمدار مەن سىياقىلار الۋ قۇقىقتارىن قورعاۋ ماقساتىندا ۇجىمدىق ۇيىمدار قىزمەتٸنٸڭ اشىقتىعىنا قويىلاتىن تالاپتار كٷشەيتٸلەدٸ;
- ۇلتتىق برەندتەۋدٸ دامىتۋ جەنە ٶتكٸزۋ نارىعىن كەڭەيتۋ ماقساتىندا «گەوگرافييالىق نۇسقاۋ» دەگەن جاڭا وبەكت ەنگٸزٸلەدٸ;
- تٸركەلمەگەن ٶنەركەسٸپتٸك ٷلگٸلەردٸ قورعاۋ ٷشٸن «قىسقا مەرزٸمدٸ قورعاۋ» رەجيمٸ ەنگٸزٸلەدٸ;
- تاراپتاردىڭ «وپپوزيتسييالىق» جٷيەنٸ قولدانۋ مٷمكٸندٸكتەرٸ كەڭەيتٸلەدٸ. بۇل جاڭالىق ٶتٸنٸم ساتىسىنىڭ ٶزٸندە تٸركەۋگە قارسىلىق بٸلدٸرۋگە رۇقسات بەرەدٸ;
- پاتەنتتٸك سەنٸم بٸلدٸرٸلگەن ٶكٸلدەردٸڭ قىزمەتٸن رەتتەۋگە قويىلاتىن تالاپتار ناقتىلانادى. بۇل قۇقىق يەلەنۋشٸلەردٸڭ زاڭدى قۇقىقتارى مەن مٷددەلەرٸن قورعاۋدىڭ ساپاسىن قامتاماسىز ەتۋگە مٷمكٸندٸك بەرەدٸ.
«بٸرقاتار تٷزەتۋلەر ۇلتتىق زاڭنامانى زيياتكەرلٸك مەنشٸك سالاسىنداعى حالىقارالىق اكتٸلەرمەن ٷندەستٸرۋ قاجەتتٸلٸگٸنە بايلانىستى. وسى زاڭ جوباسىنىڭ ماڭىزدىلىعىن, ونىڭ ەلدەگٸ زيياتكەرلٸك مەنشٸك سالاسىن دامىتۋ, قۇقىق يەلەنۋشٸلەردٸڭ زاڭدى قۇقىقتارى مەن مٷددەلەرٸن قورعاۋ ٷشٸن سالدارىن ەسكەرە وتىرىپ, ۇلتتىق زيياتكەرلٸك مەنشٸك ينستيتۋتىنا بارىپ, زاڭناما جەنە سوت-قۇقىقتىق رەفورما كوميتەتٸنٸڭ كەڭەيتٸلگەن وتىرىسى ٶتكٸزٸلدٸ. مەسەلەلەردٸڭ كەڭ اۋقىمىن تالقىلاۋعا كٶرنەكتٸ حالىقارالىق جەنە وتاندىق ساراپشىلار, ەۋرازييالىق پاتەنتتٸك ۆەدومستۆونىڭ باسشىسى, سۋديالار, سوت تٶرەلٸگٸ اكادەميياسىنىڭ باسشىسى, عىلىم, شىعارماشىلىق ينتەلليگەنتسييا, اۆتورلىق قوعامداستىقتار مەن مٷددەلٸ مەملەكەتتٸك ورگانداردىڭ ٶكٸلدەرٸ تارتىلدى. زاڭ جوباسىن قابىلداۋ زيياتكەرلٸك مەنشٸككە ارنالعان قۇقىقتاردى قورعاۋدى ودان ەرٸ كٷشەيتۋگە جەنە زيياتكەرلٸك مەنشٸك سالاسىنداعى داۋلاردى وبەكتيۆتٸ شەشۋ ٷشٸن جاعدايلار جاساۋعا ىقپال ەتەتٸنٸنە سەنٸمدٸمٸز», - دەدٸ دەپۋتات.
