Elbasy Nursultan Nazarbaev «Nur Otan» partiiasy fraktsiiasynyń otyrysynda Parlament Májilisindegi partiia fraktsiiasynyń jetekshisi qyzmetine Nurlan Nyǵmatýlinniń kandidatýrasyn usyndy. Fraktsiia depýtattary Elbasynyń usynysyn biraýyzdan qoldady. Sondai-aq, Májilis spikeri laýazymyna Nurlan Nyǵmatýlinnyń kandidatýrasyn usyný máselesi de qaraldy, dep habarlaidy "Ult aqparat" Qazaqstan Respýblikasynyń Tuńǵysh Prezidenti - Elbasy Nursultan Nazarbaevtyń resmi saityna silteme jasap.
Otyrys barysynda Májilis tóraǵasy qyzmetine N.Nyǵmatýlinniń kandidatýrasyn, Májilis tóraǵasynyń orynbasarlary qyzmetine P.Kazantsev pen B.Kesebaevanyń, Áleýmettik-mádeni damý komitetiniń tóraǵasy qyzmetine D.Nurmanbetovanyń, zańnama jáne sot-quqyqtyq reforma komiteti tóraǵalyǵyna K. Mýsinniń, qarjy jáne biýdjet komiteti tóraǵalyǵyna M.Qusaiynovtyń, halyqaralyq ister, qorǵanys jáne qaýipsizdik komiteti tóraǵalyǵyna A.Quspannyń, ekonomikalyq reforma jáne aimaqtyq damý komitetine A.Raýdyń kandidatýrasyn usyný týraly úilesimdi pozitsiia aiqyndaldy.
