Májilis TMD-ǵa múshe memleketterdiń arasyndaǵy kelisilgen salyq saiasaty týraly kelisimdi toqtatý týraly hattamany ratifikatsiialady, dep habarlaidy QazAqparat.
Qujattyń tolyq ataýy – «1992 jylǵy 13 naýryzdaǵy Táýelsiz Memleketter Dostastyǵyna qatysýshy memleketterdiń úkimetteri arasyndaǵy kelisilgen salyq saiasatynyń qaǵidattary týraly kelisimniń qoldanysyn toqtatý týraly hattamany ratifikatsiialaý týraly» Zańynyń jobasy. Bul qujatty Premer-Ministrdiń orynbasary – Qarjy ministri Erulan Jamaýbaev tanystyrdy.
«Hattama TMD elderi tarapynan kelisimniń merzimin uzartý týraly ótinimniń bolmaýyna, sondai-aq kelisimdegi erejelerdiń qazirgi talaptarǵa sáikes kelmeýine bailanysty kún tártibine shyǵarylyp otyr», - dedi vedomstvo basshysy.
Onyń aitýyna qaraǵnada, 1992 jyly bul kelisimge TMD-ǵa múshe 9 memlekettiń basshysy qol qoiǵan. Ol qujat boiynsha atalǵan memleketter salyq salý saiasatyn birizdendirý negizinde uiym aýmaǵynda negizgi salyqtardyń biryńǵai tizbesin paidalaný kerek bolǵan. Alaida TMD-ǵa múshe 4 memleket ol qujatty ratifikatsiialasa, qalǵan 5 memleket óz tarapynan tiisti jumystardy tyndyryp úlgermegen. Aqyry 2017 jyly uiymǵa qatysýshy elderdiń salyq organdaryna jaýapty basshylary atalǵan kelisimdi toqtatý týraly ortaq sheshimge kelgen.
«Osylaisha 2021 jylǵy 4 naýryzda kelisimniń qoldanysyn toqtatý týraly hattamaǵa qol qoiyldy. Búginde salyq qyzmetiniń shet memlekettermen, onyń ishinde TMD elderimen ózara is-qimyly halyqaralyq sharttar negizinde retteletinin atap ótý kerek», - dedi ministr.
