مەجٸلٸس تمد-عا مٷشە مەملەكەتتەردٸڭ اراسىنداعى كەلٸسٸلگەن سالىق ساياساتى تۋرالى كەلٸسٸمدٸ توقتاتۋ تۋرالى حاتتامانى راتيفيكاتسييالادى, دەپ حابارلايدى قازاقپارات.
قۇجاتتىڭ تولىق اتاۋى – «1992 جىلعى 13 ناۋرىزداعى تەۋەلسٸز مەملەكەتتەر دوستاستىعىنا قاتىسۋشى مەملەكەتتەردٸڭ ٷكٸمەتتەرٸ اراسىنداعى كەلٸسٸلگەن سالىق ساياساتىنىڭ قاعيداتتارى تۋرالى كەلٸسٸمنٸڭ قولدانىسىن توقتاتۋ تۋرالى حاتتامانى راتيفيكاتسييالاۋ تۋرالى» زاڭىنىڭ جوباسى. بۇل قۇجاتتى پرەمەر-مينيستردٸڭ ورىنباسارى – قارجى مينيسترٸ ەرۇلان جاماۋباەۆ تانىستىردى.
«حاتتاما تمد ەلدەرٸ تاراپىنان كەلٸسٸمنٸڭ مەرزٸمٸن ۇزارتۋ تۋرالى ٶتٸنٸمنٸڭ بولماۋىنا, سونداي-اق كەلٸسٸمدەگٸ ەرەجەلەردٸڭ قازٸرگٸ تالاپتارعا سەيكەس كەلمەۋٸنە بايلانىستى كٷن تەرتٸبٸنە شىعارىلىپ وتىر», - دەدٸ ۆەدومستۆو باسشىسى.
ونىڭ ايتۋىنا قاراعنادا, 1992 جىلى بۇل كەلٸسٸمگە تمد-عا مٷشە 9 مەملەكەتتٸڭ باسشىسى قول قويعان. ول قۇجات بويىنشا اتالعان مەملەكەتتەر سالىق سالۋ ساياساتىن بٸرٸزدەندٸرۋ نەگٸزٸندە ۇيىم اۋماعىندا نەگٸزگٸ سالىقتاردىڭ بٸرىڭعاي تٸزبەسٸن پايدالانۋ كەرەك بولعان. الايدا تمد-عا مٷشە 4 مەملەكەت ول قۇجاتتى راتيفيكاتسييالاسا, قالعان 5 مەملەكەت ٶز تاراپىنان تيٸستٸ جۇمىستاردى تىندىرىپ ٷلگەرمەگەن. اقىرى 2017 جىلى ۇيىمعا قاتىسۋشى ەلدەردٸڭ سالىق ورگاندارىنا جاۋاپتى باسشىلارى اتالعان كەلٸسٸمدٸ توقتاتۋ تۋرالى ورتاق شەشٸمگە كەلگەن.
«وسىلايشا 2021 جىلعى 4 ناۋرىزدا كەلٸسٸمنٸڭ قولدانىسىن توقتاتۋ تۋرالى حاتتاماعا قول قويىلدى. بٷگٸندە سالىق قىزمەتٸنٸڭ شەت مەملەكەتتەرمەن, ونىڭ ٸشٸندە تمد ەلدەرٸمەن ٶزارا ٸس-قيمىلى حالىقارالىق شارتتار نەگٸزٸندە رەتتەلەتٸنٸن اتاپ ٶتۋ كەرەك», - دەدٸ مينيستر.
