Májilistiń jalpy otyrysynda «1999 jylǵy 8 qazandaǵy Erkin saýda aimaǵyn qurý týraly kelisimge qatysýshy memleketterdiń arasynda tasymaldanatyn taýarlardy kedendik resimdeýdiń jáne kedendik baqylaýdyń tártibi týraly kelisimge ózgerister engizý týraly hattamany ratifikatsiialaý týraly» zań jobasy maquldandy, dep habarlaidy QazAqparat.
Hattamaǵa 2019 jylǵy 31 mamyrda Ashǵabat qalasynda Táýelsiz Memleketter Dostastyǵyna qatysýshy memleketterdiń premer-ministrleri qol qoidy.
«Zań jobasyn ázirleý qajettigi 2011 jylǵy 18 qazanda Sankt-Peterbýrgte Táýelsiz Memleketter Dostastyǵyna qatysýshy memleketterdiń jańa Erkin saýda aimaǵy týraly shartqa qol qoiylýyna bailanysty týyndady. Onyń kúshine enýine bailanysty birqatar halyqaralyq sharttar, sonyń ishinde 1994 jylǵy 15 sáýirdegi Erkin saýda aimaǵyn qurý týraly kelisim óz áreketin toqtatty. Sondyqtan joǵaryda kórsetilgen Shartqa sáikes keltirý maqsatynda Qatysýshy memleketterdiń arasynda tasymaldanatyn taýarlardy kedendik resimdeýdiń jáne kedendik baqylaýdyń tártibi týraly kelisimniń kirispesine ózgeris engiziledi», - dedi QR Qarjy ministri Erulan Jamaýbaev.
Ekinshiden, joǵaryda kórsetilgen shartqa sáikes keltirý jáne biryńǵai «Táýelsiz Memleketter Dostastyǵynda taýarlardyń shyǵarylǵan elin aiqyndaý erejesin» belgileý maqsatynda kelisimniń 2-baby 2009 jylǵy 20 qarashadaǵy ataýy osyndai Erejege siltememen tolyqtyryldy. Úshinshiden, Kelisimniń 6-baby jańa redaktsiiada jazyldy. Onyń máni – qajet bolǵan jaǵdaida Táýelsiz Memleketter Dostastyǵyna qatysýshy memleket ótkizý pýnktterinde birlesken kedendik baqylaýdy jáne kedendik operatsiialardy júzege asyrý úshin jaǵdai jasap beredi.
«Bul taýarlardyń ótýin jedeldetýge múmkindik beredi ári keden organdardyń baqylaý ýaqytyn qysqartady. Jalpy, zań jobasyn ratifikatsiialaý taýarlardy kedendik resimdeý jáne kedendik baqylaý tártibine tujyrymdamalyq ózgerister engizýdi kózdemeidi. Hattama TMD qatysýshy memleketter arasynda yntymaqtastyqty keńeitýge, tereńdetýge, yqpaldasýǵa jáne ózara kómek kórsetýge baǵyttalǵan.
Osy hattamany iske asyrý memlekettik biýdjetten qarjy shyǵynyn qajet etpeidi», - dedi ministr.
