Májilistiń jańa quramy 2023 jyldyń birinshi jartyjyldyǵynda sailanady. Bul týraly tómengi palata spikeri Erlan Qoshanov málimdedi, dep habarlaidy Sputnik Qazaqstan.
"Parlament sailaýy kelesi jyldyń birinshi jartyjyldyǵynda ótedi. Prezident bul týraly jariialaidy. Árine, osydan keiin jańa Úkimet qurylady", - dedi Qoshanov Májilis kýlýarynda.
Buǵan deiin Qasym-Jomart Toqaev Prezident sailaýynan keiin Úkimetke otstavkaǵa ketýdiń qajeti joq ekenin aitqan edi. Alaida Memleket basshysy ózgerister bolatynyn málimdedi. Ol Parlament sailaýy boiynsha jyl sońyna deiin málimdeme jasaitynyn jariia etti.
