Májilis depýtattary Memleket basshysynyń zeinetaqy men járdemaqyny arttyrý jónindegi tapsyrmasyn júzege asyrýǵa, sondai-aq Májilis pen máslihattar sailaýyn ótkizýge 220 milliard teńgege jýyq qarajat bólýdi usyndy, - dep habarlaidy Tengrinews.kz agenttigi.
Májiliste "2023-2025 jyldarǵa arnalǵan respýblikalyq biýdjet týraly" zań jobasy qaraldy.
Zań jobasyn qaraý barysynda depýtattar 2023 jylǵa arnalǵan zań jobasyna túzetý engizýdi usyndy.
"Prezident Qasym-Jomart Toqaevtyń zeinetaqy mólsherin ulǵaitý, bala kútimi boiynsha tólemderdi taǵaiyndaý kezeńiniń uzaqtyǵyn ulǵaitý, Memlekettik áleýmettik járdemaqyny monetizatsiialaý, jastardy jumyspen qamtý sharalarymen qamtamasyz etý, Májilis pen máslihattar sailaýyn ótkizý jónindegi tapsyrmalaryn iske asyrýǵa depýtattar 219,9 milliard teńge bólýdi usyndy", - dedi Májilis depýtaty Anatolii Boichin.
Onyń aitýynsha, ázirlenip jatqan Áleýmettik kodeks aiasynda jekelegen sharalardy júzege asyrýǵa 14,7 milliard teńge bólý usynyldy.
Sonymen qatar turǵyn úi qurylys jinaqtarynyń salymdary boiynsha syilyqaqy tóleýge - 35 milliard.
Aita keterligi, 2023 jylǵa respýblikalyq biýdjet shyǵystarynyń jalpy kólemi 21 trillion 2,9 milliard teńge kóleminde josparlanǵan.
