R Parlamenti Májilisi depýtattaryn sailaýǵa orai álemniń elinde 66 sailaý ýchaskesi quryldy. Bul týraly búgin QR Ortalyq sailaý komissiiasy tóraǵasynyń orynbasary Konstantin Petrov aitty, dep habarlaidy QazAqparat.
«Qazaqstan Respýblikasynyń shet memleketterdegi ókildikteri janynan álemniń 51 elinde 66 sailaý ýchaskesi quryldy. Bul tizimderge tiisti shet memlekette turatyn nemese uzaq merzimdi sheteldik is-saparda júrgen jáne respýblika azamatynyń jaramdy tólqujaty bar barlyq azamattar engiziledi», - dedi Konstantin Petrov OSK otyrysynda.
Onyń aitýynsha, shet memleketterge jeke shaqyrýmen, jumys, iskerlik, týristik saparmen barǵan Qazaqstan azamattary jaramdy tólqujatymen sailaý komissiiasyna júgingen kezde sailaýshylar tizimine qosylatyn bolady.
«Tizim atalǵan ókildikterdiń basshylary usynǵan málimetter negizinde túziledi. daýys berý kúniniń aldyndaǵy jaǵdaiǵa sáikes, tizim mindetti túrde naqtylaýǵa jatady. Syrtqy ister ministrligi Qazaqstan Respýblikasy aýmaǵynan tysqary jerde ornalasqan sailaý komissiialaryna shetelde júrgen azamattardy tizimge qosý jumysyna kómek kórsetýi tiis», - dedi ol.
