- Búgin Parlament Májilisi «1995 jylǵy 20 qańtardaǵy Qazaqstan Respýblikasy men Resei Fedaratsiiasy arasyndaǵy Embi poligonyn (5580 synaq jumystaryn qamtamasyz etý bazasy) paidalaný jáne jalǵa berý sharttary týraly kelisimniń jáne 1996 jylǵy 18 qazandaǵy QR Úkimeti men RF Úkimeti arasyndaǵy Embi synaq poligonyn (5580 synaq jumystaryn qamtamasyz etý bazasy) jaldaý týraly sharttyń qoldanysyn toqtatý jónindegi sharalar týraly Qazaqstan men Resei arasyndaǵy hattamany ratifikatsiialaý týraly» QR Zańynyń jobasyn jumysqa aldy, dep habarlaidy Ult.kz tilshisi QazAqparat agenttigine silteme jasap.
«Osy hattamanyń maqsaty Embi synaq poligonyn paidalaný jáne jalǵa berý boiynsha halyqaralyq sharttar qoldanysyn merziminen buryn toqtatý, sondai-aq osy poligonnyń jer ýchaskelerin, jyljymaly jáne jyljymaityn múlikterin qabyldaý turǵysynda is-sharalardy belgilengen merzimde júrgizý bolyp tabylady. Komitet osy zań jobasyn jumysqa alýǵa, ol boiynsha qorytyndy ázirleýge daiyn», - dedi Halyqaralyq ister, qorǵanys jáne qaýipsizdik komitetiniń tóraǵasy Máýlen Áshimbaev jalpy otyrys barysynda.
Budan buryn habarlanǵandai, biylǵy qazan aiynyń aiaǵynda Reseidiń Qorǵanys ministri Sergei Shoigý Qazaqstandaǵy Embi poligonyn jalǵa alý jáne paidalaný boiynsha kelisimdi toqtatý týraly qazaqstandyq- reseilik memleketaralyq Hattamaǵa qol qoiǵan bolatyn.
.jpeg)