Búginnen bastap Májilis pen máslihat depýtattyǵynan úmitkerler óz kandidatýrasyn usyna alady, dep habarlaidy "Ult aqparat".
Bekitilgen josparǵa sáikes, kandidattardy usyný kezeńi daýys berý kúninen eki ai buryn bastalady jáne daýys berý kúninen qyryq kún buryn jergilikti ýaqytpen saǵat on segizde aiaqtalady. Iaǵni, 10 qarashadan bastap 30 qarasha saǵat 18-00-ge deiin.
Partiialyq tizimdi tirkeý sailaýdan eki ai buryn bastalady jáne sailaýǵa bir ai qalǵanda jergilikti ýaqytpen saǵat 18.00-de aiaqtalady. Iaǵni, 2020 jylǵy 10 qarashadan 10 jeltoqsan kúngi saǵat 18:00-ge deiin.
Zańǵa sáikes, sailaý aldyndaǵy úgit partiialyq tizimderdi tirkeý merzimi aiaqtalǵan kezden bastalady jáne sailaý bolatyn kúnniń aldyndaǵy kúngi jergilikti ýaqyt boiynsha saǵat 00.00-de aiaqtalady.
Osylaisha, partiialyq tizim boiynsha sailanatyn Parlament Májilisi depýtattarynyń kezekti sailaýynyń jalpy uzaqtyǵy - taǵaiyndalǵan kúnnen bastap daýys berý kúnine deiin 82 kún.
Konstantin Petrovtyń aitýynsha, barlyq deńgeidegi máslihat depýtattarynyń kezekti sailaýy bir mezgilde ótkiziledi jáne merzimi jaǵynan Prezidentti, Parlament Senaty depýtattaryn sailaýmen tuspa-tus kelmeýge tiis.
Máslihat sailaýyn QR Parlamenti Májilisi depýtattaryn sailaýmen bir mezgilde ótkizý boiynsha shekteý joq.
Jalpy, aldaǵy naýqanda 216 máslihattyń 3276 depýtaty sailanýǵa tiis. Osy oraida oblystardyń, Nur-Sultan, Almaty jáne Shymkent qalalary máslihattarynyń 589 depýtaty, oblystyq mańyzy bar qalalardyń 36 máslihatynda 596 depýtat, aýdandardyń 163 máslihatynda 2091 depýtat qamtylmaq.
Birinshiden, máslihatqa sailaý alǵash ret saiasi partiialardyń partiialyq tizimderi boiynsha ótýde.
Ekinshiden, sailaý týraly Konstitýtsiialyq zańdaǵy ózgeristerge sáikes, tiisti ákimshilik aýmaq ishinde máslihat depýtattaryn sailaý kezinde biryńǵai aýmaqtyq sailaý okrýgi qurylady.
Jasy jiyrmaǵa tolǵan Qazaqstan Respýblikasynyń azamaty máslihat depýtaty bolyp sailana alady. Respýblika azamaty bir máslihattyń ǵana depýtaty bola alady.
Osyǵan sáikes depýtattyqqa kandidattardy usyný kezeńi 2020 jylǵy 10 qarashadan bastap 2020 jylǵy 4 jeltoqsanda jergilikti ýaqyt boiynsha saǵat 18:00-ge deiin jalǵasady.
Máslihat depýtattyǵyna kandidattardy tirkeý 10 jeltoqsanda jergilikti ýaqyt boiynsha saǵat 18:00-de aiaqtalady.
Sailaý aldyndaǵy úgit-nasihat 10 jeltoqsanda jergilikti ýaqytpen saǵat 18.00-den keiin bastalady jáne 2021 jylǵy 9 qańtarda aiaqtalady.
