QR Ortalyq sailaý komissiiasy shet memleketterdiń, halyqaralyq uiymdardyń baiqaýshylary, sheteldik buqaralyq aqparat quraldarynyń ókilderi qyzmetin uiymdastyratyn qaýly qabyldady, dep habarlaidy QazAqparat.
Atalǵan másele boiynsha sóz sóilegen Ortalyq sailaý kommissiiasynyń múshesi Anastasiia Shegortsovanyń aitýynsha, Qazaqstanda shet memleketter men halyqaralyq uiymdardyń baiqaýshylary sailaýdy baiqaýǵa Ortalyq sailaý komissiiasynyń Tóraǵasy men Qazaqstan Respýblikasy Syrtqy ister ministriniń shaqyrýy boiynsha qatysa alady.
«Shet memleketter men halyqaralyq uiymdardyń baiqaýshylary OSK Syrtqy ister ministrliginiń usynýy boiynsha akkreditteledi. Sheteldik buqaralyq aqparat quraldarynyń ókili, eger onyń Syrtqy ister ministrligi bergen akkreditteý týraly kýáligi bolsa, sailaýda baiqaýdy júzege asyra alady. Sailaý týraly konstitýtsiialyq zań sheteldik baiqaýshylarǵa aýdarmashynyń ilesip júrý múmkindigin kózdeidi», - dedi ol.
Onyń dereginshe, akkreditteýdi júrgizý daýys berý kúnine bes kún qalǵanda, iaǵni 2021 jylǵy 4 qańtarda jergilikti ýaqyt boiynsha saǵat 18.00-de aiaqtalady.
«Búgin Ortalyq sailaý komissiiasy QR Parlamenti Májilisi men máslihat depýtattaryn sailaýynda halyqaralyq baiqaý institýtyn ashý týraly sheshim qabyldady. Bul sheshim bizdiń sailaý protsesimizdiń ashyqtyǵy men jariialylyǵyn qamtamasyz etý turǵysynda halyqaralyq mindettemelerdi qabyldaýymyzdyń rastalýy bolyp tabylady», - dedi QR OSK tóraǵasy Berik Imashev.
