قر ورتالىق سايلاۋ كوميسسيياسى شەت مەملەكەتتەردٸڭ, حالىقارالىق ۇيىمداردىڭ بايقاۋشىلارى, شەتەلدٸك بۇقارالىق اقپارات قۇرالدارىنىڭ ٶكٸلدەرٸ قىزمەتٸن ۇيىمداستىراتىن قاۋلى قابىلدادى, دەپ حابارلايدى قازاقپارات.
اتالعان مەسەلە بويىنشا سٶز سٶيلەگەن ورتالىق سايلاۋ كومميسسيياسىنىڭ مٷشەسٸ اناستاسييا ششەگورتسوۆانىڭ ايتۋىنشا, قازاقستاندا شەت مەملەكەتتەر مەن حالىقارالىق ۇيىمداردىڭ بايقاۋشىلارى سايلاۋدى بايقاۋعا ورتالىق سايلاۋ كوميسسيياسىنىڭ تٶراعاسى مەن قازاقستان رەسپۋبليكاسى سىرتقى ٸستەر مينيسترٸنٸڭ شاقىرۋى بويىنشا قاتىسا الادى.
«شەت مەملەكەتتەر مەن حالىقارالىق ۇيىمداردىڭ بايقاۋشىلارى وسك سىرتقى ٸستەر مينيسترلٸگٸنٸڭ ۇسىنۋى بويىنشا اككرەديتتەلەدٸ. شەتەلدٸك بۇقارالىق اقپارات قۇرالدارىنىڭ ٶكٸلٸ, ەگەر ونىڭ سىرتقى ٸستەر مينيسترلٸگٸ بەرگەن اككرەديتتەۋ تۋرالى كۋەلٸگٸ بولسا, سايلاۋدا بايقاۋدى جٷزەگە اسىرا الادى. سايلاۋ تۋرالى كونستيتۋتسييالىق زاڭ شەتەلدٸك بايقاۋشىلارعا اۋدارماشىنىڭ ٸلەسٸپ جٷرۋ مٷمكٸندٸگٸن كٶزدەيدٸ», - دەدٸ ول.
ونىڭ دەرەگٸنشە, اككرەديتتەۋدٸ جٷرگٸزۋ داۋىس بەرۋ كٷنٸنە بەس كٷن قالعاندا, ياعني 2021 جىلعى 4 قاڭتاردا جەرگٸلٸكتٸ ۋاقىت بويىنشا ساعات 18.00-دە اياقتالادى.
«بٷگٸن ورتالىق سايلاۋ كوميسسيياسى قر پارلامەنتٸ مەجٸلٸسٸ مەن مەسليحات دەپۋتاتتارىن سايلاۋىندا حالىقارالىق بايقاۋ ينستيتۋتىن اشۋ تۋرالى شەشٸم قابىلدادى. بۇل شەشٸم بٸزدٸڭ سايلاۋ پروتسەسٸمٸزدٸڭ اشىقتىعى مەن جارييالىلىعىن قامتاماسىز ەتۋ تۇرعىسىندا حالىقارالىق مٸندەتتەمەلەردٸ قابىلداۋىمىزدىڭ راستالۋى بولىپ تابىلادى», - دەدٸ قر وسك تٶراعاسى بەرٸك يماشەۆ.
