Qazaqstanda aldaǵy Májilis sailaýyna sailaýshylar tizimine kirgizilgen azamattardyń sany 11 820 318 adamdy qurady. Bul týraly búgin QR Ortalyq sailaý komissiiasy tóraǵasynyń orynbasary Konstantin Petrov aitty, dep habarlaidy QazAqparat.
«Ortalyq sailaý komissiiasy aldaǵy naýqannyń kezekti sipatyn eskere otyryp, jergilikti atqarýshy organdarmen birge 2020 jylydń 1 qazanyndaǵy jaǵdai boiynsha sailaýshylardyń tizilimin ózektendirdi. Atalǵan jumys 1 qazandaǵy jaǵdaiǵa sáikes, sailaýshylar tizilimine 11 820 318 adamdy tirkeýge múmkindik berdi. Erterekte, derekózi ártúrli bolǵan kezde keibir azamattar eki túzilimde nemese birde-bireinde bolmaishyǵaty. Qazir bul tájiribe joiyldy dep sanaimyz», - dedi ol OSK otyrysy barysynda.
Onyń atap ótýinshe, sailaýshylardyń tizilimin qalyptastyrý sailaý protsesinniń mańyzdy uiymdastyrýshylyq elementteriniń biri sanalady.
«Sailaýshylardyń tizilimi negizinde azamattar ózderiniń el Parlamenti Májilisi jáne málihattar depýtattaryn sailaýǵa arnalǵan konstitýtsiialyq quqyqtaryn júzege asyrady. Osyǵan orai sailaýshylardyń barynsha tolyqqandy ári naqty tizilimin túzý jeke jergilikti atqarýshy organdardyń ǵana emes ákimdikterdiń, aýmaqtyq sailaý komissiialarynyń jáne árbir sailaýshynyń birlesken jaýapkershiligi retinde qarastyrǵan jón», - dedi Konstantin Petrov.
