Parlament Májilisiniń jalpy otyrysynda «Qazaqstan Respýblikasynyń halyqaralyq sharttary týraly» QR Zańyna ózgerister men tolyqtyrý engizý týraly» zań jobasy maquldandy, dep habarlaidy "Ult aqparat".
Zań jobasy Konstitýtsiianyń 4-babynyń 3-tarmaǵyna 2017 jylǵy engizilgen ózgeristermen qatar bekitilgeli otyrǵan Qazaqstan Respýblikasy halyqaralyq sharttarynyń qoldanylý tártibi men sharttaryn aiqyndaý maqsatynda ázirlendi.
«Zań jobasyn qabyldaý beiindi zańǵa ratifikatsiialanǵan halyqaralyq sharttardyń Qazaqstan Respýblikasy zańdarynyń aldyndaǵy basymdyǵy, mundai halyqaralyq sharttardyń tikelei qoldanylýy, jurtshylyqty halyqaralyq sharttardyń mártebesindegi ózgerister jóninde habardar etý týraly normalaryn engizýdi, sondai-aq halyqaralyq sharttardy toqtatý tártibin retteýdegi olqylyqtardy joiýdy qamtamasyz etedi», - dedi QR Premer-Ministriniń orynbasary – Syrtqy ister ministri Muhtar Tileýberdi.
Sonymen qatar, zań jobasyn qabyldaý Qazaqstan Respýblikasynyń aldyna alǵan mindettemelerin oryndamaityn memlekettermen jáne halyqaralyq uiymdarmen ózara qarym-qatynastarda Qazaqstan Respýblikasynyń múddelerin eskerýdi qamtamasyz etedi.
«Kórsetilgen máselelerdi beiindi zańǵa basqa memleketter men halyqaralyq uiymdar Qazaqstan Respýblikasynyń aldyna alǵan mindettemelerin oryndamaǵan jaǵdaida halyqaralyq sharttardy oryndaýdy toqtata turý túrindegi jaýap sharalar qabyldaýyn kózdeitin normalar engizý arqyly sheshý usynylady», - dedi ministr.
