Parlament Májilisiniń jalpy otyrysynda «1993 jylǵy 22 qazandaǵy Qazaqstan Respýblikasy men Mońǵoliia arasyndaǵy azamattyq jáne qylmystyq ister jónindegi ózara kómek týraly Shartqa ózgerister engizý týraly hattamany ratifikatsiialaý týraly» zań jobasy maquldandy, dep habarlaidy "Ult aqparat".
1993 jylǵy 22 qazandaǵy Qazaqstan men Mońǵoliia arasyndaǵy azamattyq jáne qylmystyq ister jónindegi ózara kómek týraly Shartqa ózgerister engizý týraly hattama 2019 jyly 10 qazanda Nur-Sultanda jasaldy. Qujat Qazaqstannyń Mońǵoliiamen quqyqtyq yntymaqtastyǵyn odan ári damytýǵa baǵyttalǵan.
«Hattama Qazaqstan Respýblikasy memlekettik organdarynyń fýnktsiialaryn naqtylaýdy kózdeidi. Bul eki memlekettiń jeke jáne zańdy tulǵalaryna ózderiniń jeke ári múliktik quqyqtaryn qorǵaý úshin sottarǵa, sondai-aq basqa da quzyretti organdarǵa tikelei júginýdi ońailatady», - dedi QR Ádilet ministri Marat Beketaev.
Hattamany iske asyrý jónindegi memlekettik organdar mynalar: Qazaqstan Respýblikasy úshin – Joǵarǵy sot, Bas prokýratýra jáne Ádilet ministrligi; Mońǵoliia úshin – Ádilet jáne ishki ister ministrligi, Bas prokýratýra jáne Joǵarǵy sot.
«Sonymen qatar Hattamamen Qazaqstan Respýblikasy Ishki ister ministrliginiń qylmystyq ister boiynsha quqyqtyq kómek kórsetýdegi quzyretin belgileitin Sharttyń 27-babyn alyp tastaý kózdeledi. Sebebi bul máseleler aldaǵy ýaqytta Bas prokýratýranyń quzyretine jatady. Hattamany ratifikatsiialaý Qazaqstan men Mońǵoliia azamattarynyń quqyqtaryn qorǵaýǵa baǵyttalǵan azamattyq jáne qylmystyq ister boiynsha quqyqtyq kómek kórsetý salasyndaǵy ekijaqty yntymaqtastyqty odan ári nyǵaitýǵa yqpal etetin bolady», - dedi ministr.
