Parlament Májilisiniń jalpy otyrysynda «Qazaqstan Respýblikasynyń Memlekettik shekarasy týraly» QR Zańyna ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy QazAqparat.
Zań jobasy Qazaqstannyń Memlekettik shekarasy týraly zańnamany jetildirý maqsatynda ázirlendi.
«Zań jobasynda Qazaqstan Respýblikasynyń Memlekettik shekara týraly zańnamasyn buzýdyń yqtimal táýekelderin tómendetýge baǵyttalǵan normalar usynyldy. Osylaishy, jolaýshylardy túsirýdi (otyrǵyzýdy), júkter men taýarlardy tieýdi júzege asyrmaityn jaǵdaida ǵana, Qazaqstan aýmaǵyn tranzit túrde temirjol kóligimen ótýde shekaralyq, kedendik jáne baqylaýdyń ózge de túrlerin júrgizbeý usynylady», - dedi Májilis depýtaty Qudaibergen Erjan.
Sonymen qatar, qujatta QR Ulttyq qaýipsizdik komiteti Shekara qyzmetiniń qajetti injenerlik-tehnikalyq quraldardy, qurylystar men bógeýishterdi ornatý jónindegi quzyreti naqtylanady.
«Zań jobasynda Shekara qyzmetimen pilotsyz ushý apparattaryn qoldanýdyń erejesin bekitý boiynsha Ulttyq qaýipsizdik komitetiniń quzyreti qarastyralady. Munymen qosa, shekara keńistiginde quqyq buzýshylyqtardyń jolyn kesý kezinde UQK Shekara qyzmeti alǵan janýarlardy, balyqtardy jáne ósimdikterdi, brakonerlik aýlaý quraldaryn, brakonerlik júzý jabdyqtaryn esepke alý, saqtaý men baǵalaý jáne odan ári paidalaný jónindegi jumysty uiymdastyrý quziretin jergilikti atqarý organdaryna berýdi qarastyrady», - dedi Q. Erjan.
