Búgin Májilistiń jalpy otyrysynda «Qazaqstan Respýblikasy men Túrikmenstan arasyndaǵy Kaspii teńizindegi Qazaqstan-Túrikmenstan memlekettik shekarasyn mejeleý jáne balyq aýlaý aimaqtarynyń shektes ýchaskelerin bólý týraly shartty ratifikatsiialaý týraly» zań jobasy maquldandy, dep habarlaidy QazAqparat.
Bul shartqa 2021 jylǵy 25 qazanda Ashhabad qalasynda qol qoiyldy.
«Shartqa sáikes taraptar Qazaqstan men Túrikmenstan arasyndaǵy aýmaqtyq sýlardy jáne balyq aýlaý aimaqtarynyń shektes ýchaskelerin bóletin Kaspii teńizindegi eki eldiń arasyndaǵy memlekettik shekarasynyń syzyǵyn anyqtady. Qujattyń ratifikatsiialanýy jáne kúshine enýi ońtústik mejelerde Qazaqstan Respýblikasynyń memlekettik shekarasyn delimitatsiialaý úderisin tolyq aiaqtaýǵa múmkindik beredi», - dedi QR Premer-Ministriniń orynbasary - Syrtqy ister ministri Muhtar Tileýberdi.
Onyń aitýynsha, shart Kaspii teńizi jaǵalaýyndaǵy elder arasyndaǵy memlekettik shekarany zańdy túrde bekitetin tarihtaǵy alǵashqy qujat bolmaq.
«Túrikmenstan jaǵy atalǵan shartty biyl 17 sáýirde ratifikatsiialady. Atalǵan zańdy qabyldaý Qazaqstan Respýblikasynyń ulttyq zańnamasyna qaishy kelmeidi», - dedi QR Premer-Ministriniń orynbasary.
