Ortalyq sailaý komissiiasy tóraǵasynyń orynbasary Konstantin Petrov partiialyq tizimder boiynsha sailanatyn Májilis depýtattarynyń kezekti sailaýyna daiyndyq jáne ony ótkizý jónindegi negizgi is-sharalardy baiandady, dep habarlaidy QazAqparat.
Ol Ortalyq sailaý komissiiasy belgilengen ókilettikterge sáikes, QR Prezidenti men Parlamenti Májilisi depýtattarynyń sailaýyna daiyndyqty jáne ony ótkizýdi uiymdastyratynyn habarlady.
Osyǵan bailanysty, partiialyq tizimder boiynsha sailanatyn Májilis depýtattarynyń sailaýyna daiyndyq jáne ony ótkizý jónindegi negizgi is-sharalardyń kúntizbelik jospary bekitildi.
Parlament Májilisiniń depýtattyǵyna el aýmaǵynda sońǵy 10 jylda turaqty turyp jatqan, 25 jasqa tolǵan Qazaqstan Respýblikasynyń azamaty kandidat bola alady.
Qazaqstan Parlamentiniń depýtattyǵyna, onyń ishinde partiialyq tizimder boiynsha kandidat bola almaidy:
1) zańda belgilengen tártippen ótelmegen nemese alynbaǵan sottylyǵy bar adam;
2) sotpen zańda belgilengen tártippen sybailas jemqorlyq qylmys jáne sybailas jemqorlyq quqyq buzýshylyq jasaýda kinásin moiyndaǵan adamdy.
Partiialyq tizimder boiynsha sailanatyn Májilis depýtattyǵyna kandidattar usyný quqyǵy belgilengen tártippen tirkelgen saiasi partiialarǵa tiesili.
Saiasi partiia partiialyq tizimderdi bekitý kezinde oǵan engizilgen adamdardyń jalpy sanynyń keminde 30 protsenti mólsherinde áielder men 29 jasqa tolmaǵan adamdardy qamtidy.
Bekitilgen josparǵa sáikes, kandidattardy usyný kezeńi daýys berý kúninen eki ai buryn bastalady jáne daýys berý kúninen qyryq kún buryn jergilikti ýaqytpen saǵat on segizde aiaqtalady. Iaǵni, aǵymdaǵy jylǵy 10 qarashadan bastap 30 qarasha kúngi saǵat 18-00-ge deiin.
Partiialyq tizimderdi tirkeý sailaýdan eki ai buryn bastalady jáne sailaýǵa bir ai qalǵanda jergilikti ýaqytpen saǵat 18.00-de aiaqtalady. Iaǵni, 2020 jylǵy 10 qarashadan 10 jeltoqsan kúngi saǵat 18:00-ge deiin.
Zańǵa sáikes, sailaý aldyndaǵy úgit partiialyq tizimderdi tirkeý merzimi aiaqtalǵan kezden bastalady jáne sailaý bolatyn kúnniń aldyndaǵy kúngi jergilikti ýaqyt boiynsha saǵat 00.00-de aiaqtalady.
Osylaisha, partiialyq tizimder boiynsha sailanatyn Parlament Májilisi depýtattarynyń kezekti sailaýynyń jalpy uzaqtyǵy taǵaiyndalǵan kúnnen bastap daýys berý kúnine deiin 82 kúndi quraidy.
Aita keteiik, búgin Memleket basshysy Qasym-Jomart Toqaev QR Parlamenti Májilisi jáne máslihat depýtattary sailaýyn taǵaiyndaý týraly úndeý jariialady.
«Búgin men Parlament Májilisi depýtattarynyń sailaýyn taǵaiyndaý týraly Jarlyqqa qol qoidym. Ortalyq sailaý komissiiasynyń qaýlysymen barlyq deńgeidegi máslihat depýtattarynyń sailaýy taǵaiyndalady. Aldaǵy sailaý konstitýtsiialyq merzimge sáikes, 2021 jyldyń 10 qańtarynda ótedi. Barlyq saiasi partiialardyń bul sailaý naýqanyna qatysýǵa daiyndalýyna, sailaý aldyndaǵy platformasyn ázirleýine, partiialyq infraqurylymdardy jetildirýine ýaqyty jetkilikti boldy. Ortalyq sailaý komissiiasy men Bas prokýratýra sailaýdyń zańdylyǵyn, ashyqtyǵyn jáne ádildigin saqtaý úshin turaqty baqylaý júrgizip otyrady», - dedi Prezident.
