QR Prezidenti Qasym-Jomart Toqaev Parlamenti Májilisi depýtattarynyń kezekti sailaýyn taǵaiyndaý týraly Jarlyqqa qol qoidy, dep habarlaidy Aqorda. "Ult aqparat" Jarlyqtyń tolyq mátinin jariialaidy.
***
Qazaqstan Respýblikasy Parlamenti Májilisi depýtattarynyń kezekti sailaýyn taǵaiyndaý týraly
Qazaqstan Respýblikasy Konstitýtsiiasynyń 44-babynyń 2) tarmaqshasyna, «Qazaqstan Respýblikasyndaǵy sailaý týraly» Qazaqstan Respýblikasy Konstitýtsiialyq zańynyń 85-babyna sáikes QAÝLY ETEMIN:
1. Partiialyq tizimder boiynsha sailanatyn Qazaqstan Respýblikasy Parlamenti Májilisi depýtattarynyń kezekti sailaýy 2021 jylǵy 10 qańtarǵa taǵaiyndalsyn.
2. Qazaqstan halqy Assambleiasy sailaityn Qazaqstan Respýblikasy Parlamenti Májilisi depýtattarynyń kezekti sailaýy 2021 jylǵy 11 qańtarǵa taǵaiyndalsyn.
3. Qazaqstan Respýblikasynyń Ortalyq sailaý komissiiasy Qazaqstan Respýblikasy Parlamenti Májilisi depýtattarynyń kezekti sailaýyn daiyndaýdy jáne ótkizýdi uiymdastyrsyn.
4. Qazaqstan Respýblikasynyń Úkimeti, Nur-Sultan, Almaty, Shymkent qalalarynyń jáne oblystardyń ákimderi Qazaqstan Respýblikasy Parlamenti Májilisi depýtattarynyń kezekti sailaýyn uiymdastyrýshylyq, materialdyq-tehnikalyq jáne qarjylyq qamtamasyz etý boiynsha qajetti sharalardy qabyldasyn.
5. Osy Jarlyq jariialanǵan kúninen bastap qoldanysqa engiziledi.
Qazaqstan Respýblikasynyń
Prezidenti Q.Toqaev
Nur-Sultan, Aqorda, 2020 jylǵy 21 qazan
№ 439
