Búgin Májilis Tóraǵasynyń orynbasary Gúlmira Isimbaeva jáne Áleýmettik-mádeni damý komitetiniń Tóraǵasy Gúlnar Iksanova «Nur Otan» partiiasy Almaty qalalyq filialynda kóp balaly analar qoǵamdyq uiymdarynyń kóshbasshylaryn qabyldady.
Májilis vitse-spikeri óz sózinde Tuńǵysh Prezident - Elbasy Nursultan Ábishuly Nazarbaevtyń áleýmettik bastamalarynyń, ásirese partiianyń jańa jobasy - «Baqytty otbasy» ulttyq jobasynyń aiasynda tabysy tómen kópbalaly otbasylaryna naqty qoldaý kórsetiletinin erekshe atap ótti. Sonymen birge mańyzdy áleýmettik bastamalarynyń barlyǵy zań turǵysynan retteletinin jetkizdi.
15 myńǵa jýyq kópbalaly otbasy, onyń úshten bir bóligi, iaǵni 5 myńyń turmysy tómen otbasy quraityn Almatyda «Bir tereze qaǵidaty» boiynsha jumys isteitin respýblikadaǵy alǵashqy Ortalyq nysany ashylǵan. Munda kómekke muqtaj áielderge tiisti járdem kórsetiledi. Sondai-aq, ortalyqta jeke balalar bólmeleri bar jáne bul ortalyq birqatar kópbalaly analardy jumyspen qamtyǵan. Munda kúnine 50-60 adam járdem surap keledi. Eki aidyń ishinde munda 1086 kópbalaly otbasyna kómek kórsetildi.
Áńgime barysynda Almaly, Túrksib, Medeý aýdandyq kópbalaly analar uiymdarynyń ókilderi Elbasyna jasalyp jatqan qamqorlyq úshin rizashylyqtaryn bildirdi.
Kezdesý barysynda depýtattarǵa óz usynystary men pikirlerin jetkizdi.
Óz kezeginde Gúlmira Isimbaeva halyqtyń, onyń ishinde kópbalaly analardyń máselesin sheshý barysynda keri bailanysty iske qosý arqyly «Nur Otan» partiiasy árqashan qoldaý kórsetetinin jáne aitylǵan usynystardyń depýtattar tarapynan eskeriletinin aitty.
.jpeg)