Májilis depýtattary Zaǵipa Balieva, Amangeldi Dáýrenbaev, Bahtiiar Máken elimizdegi eń irgeli oqý ornynyń biri Qazaq ulttyq agrarlyq ýniversitetinde professorlyq-oqytýshylyq quramy men jastar uiymdary ókilderimen kezdesti, dep habarlaidy "Ult aqparat".
Zaǵipa Balieva óz sózinde Májiliste zań shyǵarý qyzmeti týraly, onyń ishinde, Elbasymyz Nursultan Ábishuly Nazarbaevtyń bastamasymen qabyldanǵan zańdar týraly, áleýmettik mańyzdy qadamdar týraly jan-jaqty baiandady.
- «Nur Otan» partiiasynyń HIH Sezinde Elbasy áleýmettik salany damytýdyń keshendi úsh baǵytyn belgiledi, onyń ishin turmysy tómen otbasylar men kóp balaly analardy qoldaý, tabysy az azamattardyń turǵyn úige qol jetkizý máselesin sheshý jáne bilim men densaýlyq salalaryn jaqsartý,óńirlerdi keshendi damytý máseleleri asa ózekti. Osy baǵytta kóptegen naqty sharalar qolǵa alynyp jatyr. Osy oraida, «Nur Otan» elimizdiń jetekshi saiasi partiiasy retinde alǵa qoiylǵan barlyq mindetterdiń oryndalýyn uiymdastyrýmen qatar, olardyń sapasyna da turaqty túrde baqylaý júrgizedi», - dep atap ótti Z. Bálieva.
Sondai-aq, depýtattar Qazaq ulttyq agrarlyq ýniversitetiniń professorlyq-oqytýshylar quramynyń pikirlerin tyńdap, elimizdiń aýyl sharýashylyǵyn jańǵyrtý máselelerin talqylady.
Osy oraida, depýtat A. Dáýrenbaev altys besik aýyldy órkendetýdiń ózekti suraqtaryn alǵa tarta kelip, zaman aǵymyna sai eldi mekenderdi ǵalamtor jelisimen qamtýdyń mańyzdylyǵyna nazar aýdardy.
Kezdesý barysynda ózara suraq-jaýaptarǵa kezek berilip, usynys-pikirler aityldy.
