Búgin Májilistiń jalpy otyrysynda «Qazaqstan Respýblikasynyń biologiialyq qaýipsizdigi týraly» zań jobasy maquldanyp, Senat qaraýyna jiberildi, dep habarlaidy QazAqparat.
Atalǵan qujat boiynsha baiandama jasaǵan Darhan Myńbaidyń aitýynsha, zań jobasyn pysyqtaý barysynda depýtattar qujattyń mazmunyn, jalpy sapasyn jaqsartatyn túzetýler engizdi. Onyń ishinde:
- biologiialyq qaýipsizdik salasyndaǵy qyzmetti júzege asyratyn memlekettik organdardy, olardyń quzyretteri men ókilettikterin naqtylaý boiynsha túzetýler qabyldandy;
- biologiialyq qaýipsizdik salasyndaǵy talaptardyń saqtalýyn memlekettik baqylaý jáne qadaǵalaý tetikterin jetildirý maqsatynda zań jobasy jedel den qoiý sharalaryn qoldaný tártibin retteitin jańa bappen tolyqtyryldy;
- aqparat almasý bóliginde biologiialyq qaýipsizdik salasyndaǵy halyqaralyq yntymaqtastyqtyń basymdyqtary men baǵyttary, olardy oqshaýlaý men joiýǵa qatysý júzege asyrylatyn tótenshe jaǵdailardyń túrleri naqtylandy;
- patogendi biologiialyq agenttermen jumys isteýge ruqsat berý, biologiialyq qaýipsizdik salasyndaǵy esepke alý jáne monitoring tetikteri naqtylandy;
- biologiialyq qaterdiń týyndaý jáne olardy joiý jaǵdailarynda qoldanýǵa arnalǵan dárilik zattardy, preparattar men meditsinalyq buiymdardy jedel memlekettik tirkeý múmkindigi kózdelgen;
- patogendi biologiialyq agentterdi jikteý kriteriileri naqtylandy;
Adamdardyń, janýarlar men ósimdikterdiń aýrý jaǵdailaryn biologiialyq qaterlerge jatqyzý máselelerin retteitin normalar pysyqtaldy. Atap aitqanda, adamdardyń, janýarlar men ósimdikterdiń aýrýy boiynsha naqty qandai statistikalyq jáne eseptik derekterdiń artýy eldiń biologiialyq qaýipsizdigine qaýip tóndiretini naqtylandy.
«Sondai-aq, zań jobasynyń normalaryn Qazaqstan Respýblikasynyń zańnamasyna sáikes keltirý maqsatynda túzetýler, redaktsiialyq sipattaǵy túzetýler engizildi. Jumys tobynyń 20 otyrysy, sondai-aq bas Komitettiń 2 keńeitilgen otyrysy ótkizildi. Salystyrmaly keste qabyldanǵan 307 pozitsiiadan turady. Májilistiń barlyq komitetteri zań jobasy boiynsha oń qorytyndylaryn berdi», - dedi Darhan Myńbai.
Osydan keiin depýtattar «Qazaqstan Respýblikasynyń biologiialyq qaýipsizdigi týraly» Qazaqstan Respýblikasy Zańynyń jobasyn ekinshi oqylymda maquldap, Parlament Senatynyń qaraýyna jiberdi.
