بٷگٸن مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ بيولوگييالىق قاۋٸپسٸزدٸگٸ تۋرالى» زاڭ جوباسى ماقۇلدانىپ, سەنات قاراۋىنا جٸبەرٸلدٸ, دەپ حابارلايدى قازاقپارات.
اتالعان قۇجات بويىنشا بايانداما جاساعان دارحان مىڭبايدىڭ ايتۋىنشا, زاڭ جوباسىن پىسىقتاۋ بارىسىندا دەپۋتاتتار قۇجاتتىڭ مازمۇنىن, جالپى ساپاسىن جاقسارتاتىن تٷزەتۋلەر ەنگٸزدٸ. ونىڭ ٸشٸندە:
- بيولوگييالىق قاۋٸپسٸزدٸك سالاسىنداعى قىزمەتتٸ جٷزەگە اسىراتىن مەملەكەتتٸك ورگانداردى, ولاردىڭ قۇزىرەتتەرٸ مەن ٶكٸلەتتٸكتەرٸن ناقتىلاۋ بويىنشا تٷزەتۋلەر قابىلداندى;
- بيولوگييالىق قاۋٸپسٸزدٸك سالاسىنداعى تالاپتاردىڭ ساقتالۋىن مەملەكەتتٸك باقىلاۋ جەنە قاداعالاۋ تەتٸكتەرٸن جەتٸلدٸرۋ ماقساتىندا زاڭ جوباسى جەدەل دەن قويۋ شارالارىن قولدانۋ تەرتٸبٸن رەتتەيتٸن جاڭا باپپەن تولىقتىرىلدى;
- اقپارات الماسۋ بٶلٸگٸندە بيولوگييالىق قاۋٸپسٸزدٸك سالاسىنداعى حالىقارالىق ىنتىماقتاستىقتىڭ باسىمدىقتارى مەن باعىتتارى, ولاردى وقشاۋلاۋ مەن جويۋعا قاتىسۋ جٷزەگە اسىرىلاتىن تٶتەنشە جاعدايلاردىڭ تٷرلەرٸ ناقتىلاندى;
- پاتوگەندٸ بيولوگييالىق اگەنتتەرمەن جۇمىس ٸستەۋگە رۇقسات بەرۋ, بيولوگييالىق قاۋٸپسٸزدٸك سالاسىنداعى ەسەپكە الۋ جەنە مونيتورينگ تەتٸكتەرٸ ناقتىلاندى;
- بيولوگييالىق قاتەردٸڭ تۋىنداۋ جەنە ولاردى جويۋ جاعدايلارىندا قولدانۋعا ارنالعان دەرٸلٸك زاتتاردى, پرەپاراتتار مەن مەديتسينالىق بۇيىمداردى جەدەل مەملەكەتتٸك تٸركەۋ مٷمكٸندٸگٸ كٶزدەلگەن;
- پاتوگەندٸ بيولوگييالىق اگەنتتەردٸ جٸكتەۋ كريتەرييلەرٸ ناقتىلاندى;
ادامداردىڭ, جانۋارلار مەن ٶسٸمدٸكتەردٸڭ اۋرۋ جاعدايلارىن بيولوگييالىق قاتەرلەرگە جاتقىزۋ مەسەلەلەرٸن رەتتەيتٸن نورمالار پىسىقتالدى. اتاپ ايتقاندا, ادامداردىڭ, جانۋارلار مەن ٶسٸمدٸكتەردٸڭ اۋرۋى بويىنشا ناقتى قانداي ستاتيستيكالىق جەنە ەسەپتٸك دەرەكتەردٸڭ ارتۋى ەلدٸڭ بيولوگييالىق قاۋٸپسٸزدٸگٸنە قاۋٸپ تٶندٸرەتٸنٸ ناقتىلاندى.
«سونداي-اق, زاڭ جوباسىنىڭ نورمالارىن قازاقستان رەسپۋبليكاسىنىڭ زاڭناماسىنا سەيكەس كەلتٸرۋ ماقساتىندا تٷزەتۋلەر, رەداكتسييالىق سيپاتتاعى تٷزەتۋلەر ەنگٸزٸلدٸ. جۇمىس توبىنىڭ 20 وتىرىسى, سونداي-اق باس كوميتەتتٸڭ 2 كەڭەيتٸلگەن وتىرىسى ٶتكٸزٸلدٸ. سالىستىرمالى كەستە قابىلدانعان 307 پوزيتسييادان تۇرادى. مەجٸلٸستٸڭ بارلىق كوميتەتتەرٸ زاڭ جوباسى بويىنشا وڭ قورىتىندىلارىن بەردٸ», - دەدٸ دارحان مىڭباي.
وسىدان كەيٸن دەپۋتاتتار «قازاقستان رەسپۋبليكاسىنىڭ بيولوگييالىق قاۋٸپسٸزدٸگٸ تۋرالى» قازاقستان رەسپۋبليكاسى زاڭىنىڭ جوباسىن ەكٸنشٸ وقىلىمدا ماقۇلداپ, پارلامەنت سەناتىنىڭ قاراۋىنا جٸبەردٸ.
