- Búgin QR Parlamenti Májilisiniń jalpy otyrysynda «1995 jylǵy 23 jeltoqsandaǵy Qazaqstan Respýblikasy men RF arasyndaǵy Baiqońyr qalasynyń mártebesi jáne ondaǵy atqarýshy ókimet organdaryn qurýdyń tártibi men olardyń mártebesi týraly kelisimge ózgerister men tolyqtyrýlar engizý týraly hattamany ratifikatsiialaý týraly» zań jobasyn qabyldady, dep habarlaidy QazAqparat.
«Osy Hattamanyń eń basty maqsaty janama salyqtarmen qosarlanǵan salyq salý máselelerin retteý bolyp tabylady. Búgingi tańda, Baiqońyr qalasynyń aýmaǵyna satylatyn taýardyń baǵasyna bizdiń kásipkerler qosylǵan qun salyǵyn qosady. Al Baiqońyrdaǵy reseilik salyq tóleýshiler ol qosylǵan qun salyǵyn esepke ala almaidy, iaǵni sol salyqtyń somasyna taýardyń baǵasy kóteriledi. Oǵan qosa sol taýardyń qunyna Resei federatsiiasynyń zańdaryna sáikes, 18 paiyz mólsherinde qosylǵan qun salyǵy esepteledi. Dál osyndai jaǵdai Baiqońyrdan Qazaqstannyń basqa aýmaqtaryna taýar satqan kezde bolady. Osylaisha, baǵa jasandy ósedi. Bul jaǵdaidy sheshý úshin biz reseilik áriptesterimizben birigip osy Hattamanyń jobasyn ázirledik. Biz qazirgi kezde Eýraziialyq ekonomikalyq odaqta jumys jasap turǵan tetikti Hattamada qoldandyq qazaqstannyń basqa aýmaǵynan Baiqońyr qalasyna taýar satý kezinde qosylǵan qun salyǵy «nóldik» mólshermen esepteletin bolady jáne qosylǵan qun salyǵy Baiqońyrda bir ret 18 paiyzben óndirip alynady. Osyndai ustanym Baiqońyr qalasynan Qazaqstannyń basqa aýmaǵyna taýar satylǵanda qoldanylatyn bolady»,-dedi B. Sultanov.
Onyń sózine qaraǵanda, jumystardy oryndaý men qyzmetterdi kórsetý kezinde salynatyn qosylǵan qun salyǵy boiynshada osyndai tásil qoldanylady. Hattamanyń erejeleri Qazaqstan Respýblikasynyń salyq zańnamasynda belgilengennen ózgeshe qaǵidalardy kózdeitindigin eskere otyryp, osy Hattamany ratifikatsiialaý qajet bolady.
