- بٷگٸن قر پارلامەنتٸ مەجٸلٸسٸنٸڭ جالپى وتىرىسىندا «1995 جىلعى 23 جەلتوقسانداعى قازاقستان رەسپۋبليكاسى مەن رف اراسىنداعى بايقوڭىر قالاسىنىڭ مەرتەبەسٸ جەنە ونداعى اتقارۋشى ٶكٸمەت ورگاندارىن قۇرۋدىڭ تەرتٸبٸ مەن ولاردىڭ مەرتەبەسٸ تۋرالى كەلٸسٸمگە ٶزگەرٸستەر مەن تولىقتىرۋلار ەنگٸزۋ تۋرالى حاتتامانى راتيفيكاتسييالاۋ تۋرالى» زاڭ جوباسىن قابىلدادى, دەپ حابارلايدى قازاقپارات.
«وسى حاتتامانىڭ ەڭ باستى ماقساتى جاناما سالىقتارمەن قوسارلانعان سالىق سالۋ مەسەلەلەرٸن رەتتەۋ بولىپ تابىلادى. بٷگٸنگٸ تاڭدا, بايقوڭىر قالاسىنىڭ اۋماعىنا ساتىلاتىن تاۋاردىڭ باعاسىنا بٸزدٸڭ كەسٸپكەرلەر قوسىلعان قۇن سالىعىن قوسادى. ال بايقوڭىرداعى رەسەيلٸك سالىق تٶلەۋشٸلەر ول قوسىلعان قۇن سالىعىن ەسەپكە الا المايدى, ياعني سول سالىقتىڭ سوماسىنا تاۋاردىڭ باعاسى كٶتەرٸلەدٸ. وعان قوسا سول تاۋاردىڭ قۇنىنا رەسەي فەدەراتسيياسىنىڭ زاڭدارىنا سەيكەس, 18 پايىز مٶلشەرٸندە قوسىلعان قۇن سالىعى ەسەپتەلەدٸ. دەل وسىنداي جاعداي بايقوڭىردان قازاقستاننىڭ باسقا اۋماقتارىنا تاۋار ساتقان كەزدە بولادى. وسىلايشا, باعا جاساندى ٶسەدٸ. بۇل جاعدايدى شەشۋ ٷشٸن بٸز رەسەيلٸك ەرٸپتەستەرٸمٸزبەن بٸرٸگٸپ وسى حاتتامانىڭ جوباسىن ەزٸرلەدٸك. بٸز قازٸرگٸ كەزدە ەۋرازييالىق ەكونوميكالىق وداقتا جۇمىس جاساپ تۇرعان تەتٸكتٸ حاتتامادا قولداندىق قازاقستاننىڭ باسقا اۋماعىنان بايقوڭىر قالاسىنا تاۋار ساتۋ كەزٸندە قوسىلعان قۇن سالىعى «نٶلدٸك» مٶلشەرمەن ەسەپتەلەتٸن بولادى جەنە قوسىلعان قۇن سالىعى بايقوڭىردا بٸر رەت 18 پايىزبەن ٶندٸرٸپ الىنادى. وسىنداي ۇستانىم بايقوڭىر قالاسىنان قازاقستاننىڭ باسقا اۋماعىنا تاۋار ساتىلعاندا قولدانىلاتىن بولادى»,-دەدٸ ب. سۇلتانوۆ.
ونىڭ سٶزٸنە قاراعاندا, جۇمىستاردى ورىنداۋ مەن قىزمەتتەردٸ كٶرسەتۋ كەزٸندە سالىناتىن قوسىلعان قۇن سالىعى بويىنشادا وسىنداي تەسٸل قولدانىلادى. حاتتامانىڭ ەرەجەلەرٸ قازاقستان رەسپۋبليكاسىنىڭ سالىق زاڭناماسىندا بەلگٸلەنگەننەن ٶزگەشە قاعيدالاردى كٶزدەيتٸندٸگٸن ەسكەرە وتىرىپ, وسى حاتتامانى راتيفيكاتسييالاۋ قاجەت بولادى.
