Búgin Palata spikeri Nurlan Nyǵmatýlinniń tóraǵalyǵymen Májilis biýrosy ótti. Onda Palatanyń aldaǵy jalpy otyrysy kún tártibiniń jobasy naqtylandy, dep habarlaidy "Ult aqparat" tómengi palatanyń baspasóz qyzmetine silteme jasap.
Májilis aldaǵy jalpy otyrysta ekologiialyq zańnama salasyndaǵy zań jobalarynyń toptamasyn qaraidy.
Depýtattar birinshi oqylymda Ekologiialyq kodekstiń jobasyn ilespe túzetýlermen, Ákimshilik quqyq buzýshylyq týraly ekologiia máseleleri boiynsha kodeksti zańnamalyq ózgertýlermen, sondai-aq Salyq kodeksine jáne ekologiia máseleleri boiynsha ony qoldanysqa engizý týraly zańǵa túzetýlerdi talqylaidy.
Birinshi oqylymda depýtattarǵa biýdjet zańnamasyn jetildirý máseleleri boiynsha zańnamalyq túzetýler jobasyn qaraý usynylady.
Sondai-aq, óńirlerdiń ákimshilik-aýmaqtyq qurylysyn jetildirýge qatysty zańnamalyq jańalyqtar da engiziledi.
Budan basqa, Palata qaldyqtardy energetikalyq kádege jaratý, sý qorǵaý beldeýleri jáne júkterdi temirjol kóligimen tasymaldaý máseleleri boiynsha zańnamalyq túzetýler jobasyna Senat engizgen ózgerister men tolyqtyrýlardy qaraidy.
Jalpy otyrysta Palata beiindi komitetteri birqatar jańa zań jobalaryn jumysqa aldy. Atap aitqanda, EAEO sheńberindegi ainalysynyń tártibi jáne mundai ónimniń qaýipsizdigin qamtamasyz etý qaǵidalary týraly kelisim. Sondai-aq, TMD-ǵa qatysýshy memleketterdiń avtokólik quraldaryn jymqyrýǵa qarsy kúrestegi jáne olardy qaitarýdy qamtamasyz etýdegi yntymaqtastyǵy týraly kelisimge túzetý engizetin zań jobasy bar.
Sonymen qatar Biýro otyrysynda Májilis Tóraǵasy Nurlan Nyǵmatýlin Palata apparatynyń jańa basshysy Dastan Mahaevty tanystyrdy. Ol buǵan deiin QR Indýstriia jáne infraqurylymdyq damý ministrliginiń Indýstriialyq damý jáne ónerkásiptik qaýipsizdik komiteti tóraǵasynyń orynbasary qyzmetin atqarǵan.
