Parlament Májilisiniń jalpy otyrysynda «Qazaqstan Respýblikasynyń Ulttyq qorynan 2021 – 2023 jyldarǵa arnalǵan kepildendirilgen transfert týraly» zań jobasy maquldandy, dep habarlaidy "Ult aqparat".
«Zań jobasynda Ulttyq qordan respýblikalyq biýdjetke beriletin kepildendirilgen transferttiń mólsherin 2021 jyly - 2 700 mlrd teńge, 2022 jyly - 2 400 mlrd teńge, 2023 jyly 2 200 mlrd teńge somasynda belgileý kózdeledi. Zań jobasynda sondai-aq kepildendirilgen transfertti paidalanýdyń nysanaly baǵyty aiqyndaldy», - dedi Ulttyq ekonomika ministri Rýslan Dálenov.
Ulttyq qordan kepildendirilgen transfertti respýblikalyq biýdjetten ortaq zeinetaqylardy tóleýge, memlekettik bazalyq zeinetaqy tólemderine baǵyttaý usynylady.
«2021-2023 jyldarǵa belgilengen Ulttyq qordan kepildendirilgen transferttiń mólsherleri Ulttyq qordaǵy qarajattyń jalpy ishki ónimniń 30 paiyz mólsherinde tómendemeitin qaldyq boiynsha sharttyń oryndalýyn qamtamasyz etedi», - dedi ministr.
