پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ ۇلتتىق قورىنان 2021 – 2023 جىلدارعا ارنالعان كەپٸلدەندٸرٸلگەن ترانسفەرت تۋرالى» زاڭ جوباسى ماقۇلداندى, دەپ حابارلايدى "ۇلت اقپارات".
«زاڭ جوباسىندا ۇلتتىق قوردان رەسپۋبليكالىق بيۋدجەتكە بەرٸلەتٸن كەپٸلدەندٸرٸلگەن ترانسفەرتتٸڭ مٶلشەرٸن 2021 جىلى - 2 700 ملرد تەڭگە, 2022 جىلى - 2 400 ملرد تەڭگە, 2023 جىلى 2 200 ملرد تەڭگە سوماسىندا بەلگٸلەۋ كٶزدەلەدٸ. زاڭ جوباسىندا سونداي-اق كەپٸلدەندٸرٸلگەن ترانسفەرتتٸ پايدالانۋدىڭ نىسانالى باعىتى ايقىندالدى», - دەدٸ ۇلتتىق ەكونوميكا مينيسترٸ رۋسلان دەلەنوۆ.
ۇلتتىق قوردان كەپٸلدەندٸرٸلگەن ترانسفەرتتٸ رەسپۋبليكالىق بيۋدجەتتەن ورتاق زەينەتاقىلاردى تٶلەۋگە, مەملەكەتتٸك بازالىق زەينەتاقى تٶلەمدەرٸنە باعىتتاۋ ۇسىنىلادى.
«2021-2023 جىلدارعا بەلگٸلەنگەن ۇلتتىق قوردان كەپٸلدەندٸرٸلگەن ترانسفەرتتٸڭ مٶلشەرلەرٸ ۇلتتىق قورداعى قاراجاتتىڭ جالپى ٸشكٸ ٶنٸمنٸڭ 30 پايىز مٶلشەرٸندە تٶمەندەمەيتٸن قالدىق بويىنشا شارتتىڭ ورىندالۋىن قامتاماسىز ەتەدٸ», - دەدٸ مينيستر.
