Qazirgi tańda Majarstanda Qazaqstannyń myń stýdenti bilim alyp jatyr. Bul týraly QR Premer-Ministriniń orynbasary – Syrtqy ister ministri Muhtar Tileýberdi málim etti, dep habarlaidy QazAqparat.
«Ekijaqty yntymaqtastyqtyń mańyzdy elementteriniń biri bilim salasy bolyp sanalady. Qazaqstan azamattaryna jyl saiyn 250 grant bóletini úshin Majarstanǵa alǵysymyzdy bildiremiz. Qazirgi tańda Majarstanda bizdiń myń stýdentimiz bilim alýda. Majar tilinde bilim alýǵa qyzyǵýshylyq tanytatyn stýdentterdiń sany artyp keledi. Majar joǵary oqý oryndarynda qazaq tilin úirenip júrgen majar stýdentterine de rizamyz. Bul jastardyń keleshekte elderimizdi bailanystyratyn «jandy kópirge» ainalatynyna kúmán joq», - dedi M. Tileýberdi.
Ministr Qazaqstan-Majar qarym-qatynastarynyń aýqymy búgin talqylanǵan máselelermen ǵana shektelmeitinine senim artty.
«Ótkizgen kelissózderimiz ózara tiimdi yntymaqtastyqty odan ári damytýǵa keń óris ashady. Majarstannyń Syrtqy ekonomikalyq bailanystar jáne syrtqy ister ministri Peter Siiarto myrzanyń resmi sapary ekijaqty, kópjaqty formatta Nur-Sultan men Býdapesht arasyndaǵy strategiialyq áriptestik qarym-qatynastardy nyǵaitýǵa qosymsha serpin beredi dep úmittenemin», - dedi Muhtar Tileýberdi.
