قازٸرگٸ تاڭدا ماجارستاندا قازاقستاننىڭ مىڭ ستۋدەنتٸ بٸلٸم الىپ جاتىر. بۇل تۋرالى قر پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ مەلٸم ەتتٸ, دەپ حابارلايدى قازاقپارات.
«ەكٸجاقتى ىنتىماقتاستىقتىڭ ماڭىزدى ەلەمەنتتەرٸنٸڭ بٸرٸ بٸلٸم سالاسى بولىپ سانالادى. قازاقستان ازاماتتارىنا جىل سايىن 250 گرانت بٶلەتٸنٸ ٷشٸن ماجارستانعا العىسىمىزدى بٸلدٸرەمٸز. قازٸرگٸ تاڭدا ماجارستاندا بٸزدٸڭ مىڭ ستۋدەنتٸمٸز بٸلٸم الۋدا. ماجار تٸلٸندە بٸلٸم الۋعا قىزىعۋشىلىق تانىتاتىن ستۋدەنتتەردٸڭ سانى ارتىپ كەلەدٸ. ماجار جوعارى وقۋ ورىندارىندا قازاق تٸلٸن ٷيرەنٸپ جٷرگەن ماجار ستۋدەنتتەرٸنە دە ريزامىز. بۇل جاستاردىڭ كەلەشەكتە ەلدەرٸمٸزدٸ بايلانىستىراتىن «جاندى كٶپٸرگە» اينالاتىنىنا كٷمەن جوق», - دەدٸ م. تٸلەۋبەردٸ.
مينيستر قازاقستان-ماجار قارىم-قاتىناستارىنىڭ اۋقىمى بٷگٸن تالقىلانعان مەسەلەلەرمەن عانا شەكتەلمەيتٸنٸنە سەنٸم ارتتى.
«ٶتكٸزگەن كەلٸسسٶزدەرٸمٸز ٶزارا تيٸمدٸ ىنتىماقتاستىقتى ودان ەرٸ دامىتۋعا كەڭ ٶرٸس اشادى. ماجارستاننىڭ سىرتقى ەكونوميكالىق بايلانىستار جەنە سىرتقى ٸستەر مينيسترٸ پەتەر سييارتو مىرزانىڭ رەسمي ساپارى ەكٸجاقتى, كٶپجاقتى فورماتتا نۇر-سۇلتان مەن بۋداپەشت اراسىنداعى ستراتەگييالىق ەرٸپتەستٸك قارىم-قاتىناستاردى نىعايتۋعا قوسىمشا سەرپٸن بەرەدٸ دەپ ٷمٸتتەنەمٸن», - دەدٸ مۇحتار تٸلەۋبەردٸ.
