Ulttyq ekonomika ministriniń orynbasary Azamat Ámrin mainingke salynatyn salyq qalai kóbeitiletinin túsindirdi, dep habarlaidy QazAqparat.
«Biyl biýdjettiń kiris bóligin 955 mlrd teńgege ulǵaittyq. Negizgi ósim, árine, biz eksporttaityn taýarlar baǵasynyń ósimi esebinen, makrokórsetkishterdiń ósimi esebinen boldy. 2021 jylmen salystyrsaq, ósim 38% bolyp otyr. Bul - óte jaqsy dinamika. Árine, salyqtyq ákimshilendirýdiń úlesi de bar. Kirister men boljamdardy ulǵaitý bóliginde Memleket basshysynyń taý-ken óndirisine salyq stavkalaryn ulǵaitý týraly tapsyrmasy bar. Qazirgi qoldanysta mólsherleme 1 teńge bolatyn. Biz ony 10 ese arttyrýdy usynamyz», - dedi vitse-ministr Májiliste jańa zań jobasynyń tanystyrylymynda.
Onyń aitýyna qaraǵanda, salyq maining ókilderiniń óndiris kólemine qarai saralanǵan negizde ulǵaitylmaq.
«Salyqty birden 10 ese kótere salaiyq dep otyrǵan joqpyz. Bul tutynaltyn elektrý qýatynyń mólsherine, qunyna bailanysty esepteledi. Elektr qýatyna jumsaityn shyǵyny neǵurlym kóp bolsa, tóleitin salyǵy soǵurlym az bolady. Biraq bul ashyq jumys isteitin mainerlerge qatysty. Biz qazir Prezidenttiń tapsyrmasy boiynsha Salyq kodeksine túzetý engizetin zań jobasyn ázirlep jatyrmyz. Tujyrymdama bekitildi. Qazir zań jobasy memlekettik organdardyń maquldaýyna jiberildi. Aidyń sońyna qarai nemese mamyr aiynda osy zań jobasymen Májiliske kelemiz», - dedi ministrdiń orynbasary.
