ۇلتتىق ەكونوميكا مينيسترٸنٸڭ ورىنباسارى ازامات ەمرين ماينينگكە سالىناتىن سالىق قالاي كٶبەيتٸلەتٸنٸن تٷسٸندٸردٸ, دەپ حابارلايدى قازاقپارات.
«بيىل بيۋدجەتتٸڭ كٸرٸس بٶلٸگٸن 955 ملرد تەڭگەگە ۇلعايتتىق. نەگٸزگٸ ٶسٸم, ەرينە, بٸز ەكسپورتتايتىن تاۋارلار باعاسىنىڭ ٶسٸمٸ ەسەبٸنەن, ماكروكٶرسەتكٸشتەردٸڭ ٶسٸمٸ ەسەبٸنەن بولدى. 2021 جىلمەن سالىستىرساق, ٶسٸم 38% بولىپ وتىر. بۇل - ٶتە جاقسى ديناميكا. ەرينە, سالىقتىق ەكٸمشٸلەندٸرۋدٸڭ ٷلەسٸ دە بار. كٸرٸستەر مەن بولجامداردى ۇلعايتۋ بٶلٸگٸندە مەملەكەت باسشىسىنىڭ تاۋ-كەن ٶندٸرٸسٸنە سالىق ستاۆكالارىن ۇلعايتۋ تۋرالى تاپسىرماسى بار. قازٸرگٸ قولدانىستا مٶلشەرلەمە 1 تەڭگە بولاتىن. بٸز ونى 10 ەسە ارتتىرۋدى ۇسىنامىز», - دەدٸ ۆيتسە-مينيستر مەجٸلٸستە جاڭا زاڭ جوباسىنىڭ تانىستىرىلىمىندا.
ونىڭ ايتۋىنا قاراعاندا, سالىق ماينينگ ٶكٸلدەرٸنٸڭ ٶندٸرٸس كٶلەمٸنە قاراي سارالانعان نەگٸزدە ۇلعايتىلماق.
«سالىقتى بٸردەن 10 ەسە كٶتەرە سالايىق دەپ وتىرعان جوقپىز. بۇل تۇتىنالتىن ەلەكترۋ قۋاتىنىڭ مٶلشەرٸنە, قۇنىنا بايلانىستى ەسەپتەلەدٸ. ەلەكتر قۋاتىنا جۇمسايتىن شىعىنى نەعۇرلىم كٶپ بولسا, تٶلەيتٸن سالىعى سوعۇرلىم از بولادى. بٸراق بۇل اشىق جۇمىس ٸستەيتٸن ماينەرلەرگە قاتىستى. بٸز قازٸر پرەزيدەنتتٸڭ تاپسىرماسى بويىنشا سالىق كودەكسٸنە تٷزەتۋ ەنگٸزەتٸن زاڭ جوباسىن ەزٸرلەپ جاتىرمىز. تۇجىرىمداما بەكٸتٸلدٸ. قازٸر زاڭ جوباسى مەملەكەتتٸك ورگانداردىڭ ماقۇلداۋىنا جٸبەرٸلدٸ. ايدىڭ سوڭىنا قاراي نەمەسە مامىر ايىندا وسى زاڭ جوباسىمەن مەجٸلٸسكە كەلەمٸز», - دەدٸ مينيستردٸڭ ورىنباسارى.
