Maining kompaniialarǵa elektr energiiasynyń neǵurlym joǵary tarifi bekitilmek. Bul týraly Úkimet otyrysynda QR Ulttyq ekonomika ministri Álibek Qýantyrov aitty, dep habarlaidy QazAqparat.
«Mainingke salyqty birneshe ese ulǵaitý jónindegi tapsyrmany oryndaý boiynsha ministrlik tiisti tásilderdi pysyqtaýda. Búgingi tańda shamamen 640 MVt elektr qýatyn resmi tirkelgen mainingtik kompaniialar tutynady. Sonymen qatar, «kóleńkeli» mainingti tutyný resmi tirkeýdi talap etedi. Bul rette, mainingtik kompaniialar elektr energiiasyn tikelei energiia óndirýshi uiymdardan nemese rettelmeitin energiiamen jabdyqtaýshy uiymdardan tutynady. Munyń basty sebebi - tariftiń tartymdylyǵy», - dedi ministr.
Onyń atap ótýinshe, osyǵan bailanysty ministrlik tutynýshylardyń basqa toptaryna qaraǵanda olar úshin neǵurlym joǵary tarifter belgileý maqsatynda energiia óndirýshi uiymdar tutynýshylarynyń jeke tobyn bólý máselesin qaraýdy usynady.
