QR Premer-Ministri Álihan Smaiylov Maiqapshaǵai ótkizý pýnrtiniń jumysyn qalpyna keltirýdi tapsyrdy, dep habarlaidy QazAqparat.
«Pandemiiaǵa bailanysty shekteýler saldarynan Qazaqstan-Qytai shekarasynda kólikter turyp qalǵany belgili. Ýaqytsha jabyq turǵan ótkizý pýnkteriniń jumysyn qalpyna keltirý úshin qytai tarapymen 15 aqpannan bastap «Nur joly», «Baqty» jáne «Dostyq» ótkizý pýnktilerinen bólek Maiqapshaǵai ótkizý beketiniń jumysyn qalpyna keltirý týraly kelisimge qol jetkizildi. Endi osy jumysty iske asyrý qajet», - dedi Álihan Smaiylov.
Sondai-aq, ol kedennen alynatyn alym-salyqtyń tolyq biýdjetke tolyq túsýine nazar aýdardy.
«Kedendik ákimshilendirý boiynsha tsifrlandyrý júrgizilýde qabyldanyp jatqan protsesti ońtailandyrýǵa, kedendik rásimder kezinde biznesti júrgizýdi jeńildetýge múmkindik beredi. Sonymen qatar, biýdjetke kedendik tólemder men salyqtardyń tolyq tólenýin qamtamasyz etý kerek. Osyǵan bailanysty Qarjy ministrligi «Astana-1» jáne «Biryńǵai tereze» aqparattyq júieleriniń sapaly jumys isteýin qamtamasyz etsin», - dedi Úkimet basshysy.
