Qazaqstandyqtar Maik Taison men Roi Djons arasyndaǵy boks keshin tikelei efirde kórsetedi, dep habarlaidy "Ult aqparat".
29 qarashada Kaliforniiadaǵy Karson qalasynda Dignity Health Sports Park arenasynda 54 jastaǵy Maik Taison men 51 jastaǵy Roi Djons arasyndaǵy jekpe-jek ótedi. Kezdesý elorda ýaqytymen 07:50-de bastalady. Kásipqoi boksshylardyń judyryqtasý keshin «Qazaqstan» jáne «Qazsport» telearnalary tikelei efirde kórsetedi.
Jekpe-jek formaty - 2 minýttan 8 raýndty quraidy. Sportshylar ringke shlemsiz jáne 12 ýntsiia qolǵappen shyǵady.
Jeńimpaz úshin Búkilálemdik boks keńesiniń (WBC) arnaiy belbeýi tabystalady. Bul belbeý Frontline Battle Belt («Maidan shebindegi shaiqas belbeýi») dep ataldy.
Aita ketsek buǵan deiin Maik Taison sharshy alańǵa oralatyny týraly suhbat bergen edi.
«Men salmaqtan aryla bastadym. Sosyn kúieýbalam maǵan 30-40 million dollar úshin judyryqtasýǵa usynys bolyp jatqanyn jetkizdi. Ol maǵan bul adamnyń Bob Sap ekenin aitty. Aqyry, biz onymen judyryqtasatynymyz týraly kelistik. Daiyndyq pen ózińdi qalpyna keltirý – eki túrli nárse. Ózińdi qalpyna keltirý – bul kúndelikti kiimińdi kigenmen teń. Al burynǵy qalpyna oralý – óz janyńnyń syrtyna shyǵyp ketkenmen birdei. Buny avtomatty túrde jasaý múmkin emes», - dep atap ótti Maik Taison.
