AQSh Memlekettik hatshysy Maik Pompeonyń Qazaqstanǵa sapary bastaldy, dep habarlaidy QazAqparat.
«Bizdiń beibitshilikke, órkendeýge jáne qaýipsizdikke negizdelgen AQSh pen Qazaqstan arasyndaǵy strategiialyq qarym-qatynastardyń mańyzdylyǵyn rastaý úshin Nur-Sultanǵa kelgenime qýanyshtymyn. Men saýda, investitsiialar máselelerin jáne eki eldiń órkendeýin keńeitý joldaryn talqylaýdy asyǵa kútemin», - dep jazdy Maik Pompeo Twitter-de.
Maik Pompeo Qazaqstan astanasyna senbi kúni keshkisin ushyp keldi.
AQSh-tyń Memlekettik hatshysy el basshylyǵymen ekijaqty jáne óńirlik yntymaqtastyqtyń perspektivalaryn, sondai-aq jahandyq kún tártibindegi ózekti máselelerdi talqylaidy. Aqparatqa sáikes, sapar aiasynda M. Pompeonyń el basshylyǵymen jáne QR Syrtqy ister ministri Muhtar Tileýberdimen kezdesýi qarastyrylǵan.
Eske salaiyq, Maik Pompeonyń Ýkraina, Belarýs, Qazaqstan, Ózbekstan jáne Kiprge sapary 3-7 qańtarǵa josparlanǵan edi. Ol Qazaqstanǵa 5 qańtarda kelýi kerek. 2 qańtarda AQSh memlekettik hatshysy Baǵdadtaǵy amerikalyq elshilik ǵimaratyndaǵy tártipsizdikterge bailanysty Qazaqstandy qosa alǵanda, bes elge josparlanǵan sapardy keiinge qaldyrǵany belgili boldy.
