1 maýsymnan bastap dizel otynyn satýǵa aktsizderdiń kóterilýine bailanysty janar-jaǵar mai baǵasy ósedi, dep habarlaidy «QazMunaiGaz Ónimderi» JShS.
Qazirgi tańda Qazaqstandaǵy iri janarmai beketteri jelilerinde dizel otynynyń litri 135-136 teńge bolyp tur. Al agrarshylar úshin litrine 122-128 teńge deńgeiinde baǵa belgilengen bolatyn.
Sonymen birge, «Benzin (aviatsiialyq benzindi qospaǵanda) men dizel otynyna arnalǵan aktsiz mólsherlemelerin bekitý týraly» Qazaqstan Respýblikasy Úkimetiniń 2015 jylǵy 13 naýryzdaǵy № 133 qaýlysyna ózgeris engizý týraly» Qazaqstan Respýblikasy Úkimetiniń 2017 jylǵy 31 naýryzdaǵy № 144 qaýlysyna sáikes 2017 jyldyń 1 maýsymynan bastap dizel otynyn satýǵa aktsiz mólsherlemesi tonnasyna 9300 teńgeni quraidy. Aktsizdiń ulǵaiýy esebinen ǵana kóterme baǵanyń ósýi shamamen litrine 7,3 teńgeni quraidy, bul JQS (janarmai quiý stantsiialary) jelilerindegi baǵaǵa áserin tigizedi.
Dizel otyny men benzinniń baǵasyn birte-birte teńestirý - naryq tendentsiialarynyń biri. Kóptegen elderde dizel otyny men benzinniń baǵasy birdei. Mysaly, kórshi Reseide bul munai ónimderiniń baǵalary litrine 208-209 teńgeni quraidy.
Sonymen qatar, óndirý men tutyný kólemderiniń, qorlar dinamikasynyń, QR naryǵyndaǵy jáne RF importynyń kóterme baǵalarynyń ózgerýi keleshekte munai ónimderiniń jekelegen túrlerine bólshek baǵalardyń ósýine áser etýi múmkin.
