1 ماۋسىمنان باستاپ ديزەل وتىنىن ساتۋعا اكتسيزدەردٸڭ كٶتەرٸلۋٸنە بايلانىستى جانار-جاعار ماي باعاسى ٶسەدٸ, دەپ حابارلايدى «قازمۇنايگاز ٶنٸمدەرٸ» جشس.
قازٸرگٸ تاڭدا قازاقستانداعى ٸرٸ جانارماي بەكەتتەرٸ جەلٸلەرٸندە ديزەل وتىنىنىڭ ليترٸ 135-136 تەڭگە بولىپ تۇر. ال اگرارشىلار ٷشٸن ليترٸنە 122-128 تەڭگە دەڭگەيٸندە باعا بەلگٸلەنگەن بولاتىن.
سونىمەن بٸرگە, «بەنزين (اۆياتسييالىق بەنزيندٸ قوسپاعاندا) مەن ديزەل وتىنىنا ارنالعان اكتسيز مٶلشەرلەمەلەرٸن بەكٸتۋ تۋرالى» قازاقستان رەسپۋبليكاسى ٷكٸمەتٸنٸڭ 2015 جىلعى 13 ناۋرىزداعى № 133 قاۋلىسىنا ٶزگەرٸس ەنگٸزۋ تۋرالى» قازاقستان رەسپۋبليكاسى ٷكٸمەتٸنٸڭ 2017 جىلعى 31 ناۋرىزداعى № 144 قاۋلىسىنا سەيكەس 2017 جىلدىڭ 1 ماۋسىمىنان باستاپ ديزەل وتىنىن ساتۋعا اكتسيز مٶلشەرلەمەسٸ تونناسىنا 9300 تەڭگەنٸ قۇرايدى. اكتسيزدٸڭ ۇلعايۋى ەسەبٸنەن عانا كٶتەرمە باعانىڭ ٶسۋٸ شامامەن ليترٸنە 7,3 تەڭگەنٸ قۇرايدى, بۇل جقس (جانارماي قۇيۋ ستانتسييالارى) جەلٸلەرٸندەگٸ باعاعا ەسەرٸن تيگٸزەدٸ.
ديزەل وتىنى مەن بەنزيننٸڭ باعاسىن بٸرتە-بٸرتە تەڭەستٸرۋ - نارىق تەندەنتسييالارىنىڭ بٸرٸ. كٶپتەگەن ەلدەردە ديزەل وتىنى مەن بەنزيننٸڭ باعاسى بٸردەي. مىسالى, كٶرشٸ رەسەيدە بۇل مۇناي ٶنٸمدەرٸنٸڭ باعالارى ليترٸنە 208-209 تەڭگەنٸ قۇرايدى.
سونىمەن قاتار, ٶندٸرۋ مەن تۇتىنۋ كٶلەمدەرٸنٸڭ, قورلار ديناميكاسىنىڭ, قر نارىعىنداعى جەنە رف يمپورتىنىڭ كٶتەرمە باعالارىنىڭ ٶزگەرۋٸ كەلەشەكتە مۇناي ٶنٸمدەرٸنٸڭ جەكەلەگەن تٷرلەرٸنە بٶلشەك باعالاردىڭ ٶسۋٸنە ەسەر ەتۋٸ مٷمكٸن.
