Ótken maýsym aiynda ósimdik maiyn óndirýshi qazaqstandyq kásiporyndar baǵany 5,4%, shaiǵa - 2,8% qymbattatqan. Bul týraly QR Strategiialyq josparlaý jáne reformalar agenttigi Ulttyq statistika biýrosy habarlady.
Biylǵy maýsym aiynda onyń aldyńǵy mamyrmen salystyrǵanda otandyq ónerkásip ónimderin óndirýshi kásiporyndardyń baǵasy 3,1% joǵarylaǵan.
Atap aitqanda, ótken aida azyq-túlik ónimderin óndirýshi otandyq kásiporyndarda baǵa ósimdik maiyna - 5,4%, shaiǵa - 2,8%, qus etine - 1,7%, mal etine, jarmalarǵa jáne nanǵa - 0,7%-dan, kúrishke - 0,5%, sút ónimderine 0,3% joǵarylady. Kerisinshe, qara bidai unyna - 3,1%, qantqa - 0,5%, makaron ónimderine 0,3% tómendegen.
Baǵa elektr energiiasymen jáne sýmen jabdyqtaýda elektr energiiasy 0,7% qymbattady.
Sondai-aq taý-ken óndirý salasynda baǵanyń metall kenderine - 6,3%, munaiǵa - 3%, kómirge - 0,8%, tabiǵi gazǵa 0,2% joǵarylaýy baiqaldy.
Óńdeý salasynda baǵa qara metaldar ilegine - 10,7%, qorǵasynǵa - 9,2%, mysqa - 8,6%, myryshqa - 4,6%, asyl metaldarǵa - 4,4%, aliýminiige - 4%, ferroqorytpalarǵa 3,4% kóterildi. Munai ónimderinen benzinge - 4%, mazýtqa - 0,8%, dizel otynyna 0,3% qymbattady. Suiytylǵan propan jáne býtanǵa 0,6% arzandady.
