Qazaqstan Parlamenti Senatynyń tóraǵasy bolǵan Máýlen Áshimbaev Sheih Zaid atyndaǵy «Adamzat baýyrlastyǵy úshin» halyqaralyq syilyǵynyń 2027 jylǵy laýreattaryn anyqtaityn qazylar alqasynyń quramyna engenin aitty, dep habarlaidy ult.kz.
Bul týraly Máýlen Áshimbaev áleýmettik paraqshasynda habarlady.
Áshimbaevtyń aitýynsha, qazylar alqasyna ony ál-Azhardyń Bas imamy Ahmed at-Taiebtiń usynysymen engizgen.
«2027 jylǵy laýreattardy anyqtaý jónindegi qazylar alqasynyń quramyna engenim men úshin úlken mártebe», – dep jazdy Senat tóraǵasy.
Onyń málimetinshe, qazylar alqasynyń quramyna Portýgaliianyń burynǵy prezidenti Marselý Rebelý de Soýza, BUU-nyń bosqyndar isi jónindegi burynǵy Joǵarǵy komissary, Iraktyń burynǵy prezidenti Barham Saleh, Livannyń birinshi hanymy Nehmat Aýn jáne Papa keńesiniń mádeniet jónindegi burynǵy tóraǵasy kardinal Djanfranko Ravazi kirgen.
Sheih Zaid atyndaǵy «Adamzat baýyrlastyǵy úshin» syilyǵy mádenietter men dinder arasyndaǵy dialogty, beibitshilik pen ózara túsinistikti damytýǵa úles qosqan adamdar men uiymdarǵa beriledi.
Áshimbaev bul jumysty Qazaqstannyń mádenietaralyq jáne dinaralyq dialog salasynda jinaqtaǵan tájiribesin halyqaralyq deńgeide tanystyrýǵa múmkindik beretinin atap ótti.
«Qazylar alqasynyń quramyndaǵy jumys beibitshilik pen ózara túsinistik qundylyqtaryn ilgeriletýge, sondai-aq Qazaqstannyń mádenietaralyq jáne dinaralyq dialog salasynda jinaqtaǵan tájiribesin tanystyrýǵa úles qosýǵa múmkindik beredi dep senemin», – dedi ol.
