"Nur Otan" partiiasynyń tóraǵa orynbasary taǵaiyndaldy, - dep habarlaidy "Ult aqparat" Aqordanyń Twittter jelisindegi paraqshasyna silteme jasap.
"Nursultan Nazarbaev "Nur Otan" partiiasy tóraǵasynyń birinshi orynbasary - Máýlen Áshimbaevti tanystyrdy", - dep habarlady Memleket basshysynyń baspasóz qyzmeti.
Máýlen Áshimbaev 1971 jyly Almatyda týǵan. Ál-Farabi atyndaǵy Qazaq Memlekettik Ulttyq ýniversitetin bitirgen. Saiasi ǵylymdarynyń kandidaty.
Ýniversitetti bitirgennen soń 1993-1994 jyldary Baspasóz jáne buqaralyq aqparat ministrliginiń júiesinde jumys istedi.
1994-1995 jyldary – Qazaqstan Respýblikasy Joǵarǵy Keńes depýtatynyń kómekshisi.
1995 jylǵy maýsym - qarasha aralyǵynda – Qaýipsizdik keńesi apparatynyń konsýltanty.
1995-1999 jyldar aralyǵynda Qazaqstan Respýblikasy Prezidenti Ákimshiligi Saraptaý jáne strategiialyq zertteýler ortalyǵynyń bas sarapshysy, sektor meńgerýshisi, osy ortalyq jetekshisiniń birinshi orynbasary.
1999-2000 jyldary – Qaýipsizdik keńesi Saraptaý ortalyǵynyń meńgerýshisi.
2000-2002 jyldary – Qaýipsizdik keńesi Saraptaý ortalyǵynyń meńgerýshisi – Qazaqstan Respýblikasy Prezidenti janyndaǵy Strategiialyq zertteýler institýtynyń direktory.
2002-2005 jyldary – Qazaqstan Respýblikasy Prezidenti janyndaǵy Strategiialyq zertteýler institýtynyń direktory.
2005-2006 jyldary – Qazaqstan Respýblikasy Qaýipsizdik keńesi hatshysynyń orynbasary.
2006-2011 jyldary – Qazaqstan Respýblikasy Prezidenti Ákimshiligi Basshysynyń orynbasary.
2012 jylǵy aqpan - 2016 jylǵy qańtar aralyǵynda - V sailanymdaǵy Qazaqstan Respýblikasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komitetiniń tóraǵasy.
2016 jylǵy 25 naýryzdan bastap VI sailanymdaǵy Qazaqstan Respýblikasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komitetiniń tóraǵasy qyzmetin atqaryp keldi.
«Qurmet» jáne «Parasat» ordenderimen marapattalǵan. 2003 jyly Djons – Hopkins ýniversitetiniń Halyqaralyq zertteýler mektebinde (AQSh) ǵylymi stajirovkadan ótti.
2016 jyly Tafts ýniversitetiniń (Tufts University) janyndaǵy Fletcher atyndaǵy quqyq jáne diplomatiia mektebin (The Fletcher School of Law and Diplomacy) bitirip, halyqaralyq qatynastar magistri dárejesin alǵan.
Aǵylshyn tilin erkin meńgergen.
Úilengen, úsh balasy bar.
