Aldaǵy ýaqytta sailaý biýlletenderine «bárine qarsymyn» degen jazý engiziletin boldy. Bul týraly QR Parlamenti Senatynyń tóraǵasy Máýlen Áshimbaev Facebook-tegi paraqshasynda habarlady.
«Búgin VII shaqyrylymdaǵy Parlamenttiń 1-sessiiasy óz jumysyn bastady. Sessiianyń ashylýynda Memleket basshysy jańartylǵan depýtattyq quramnyń aldynda turǵan mańyzdy mindetterdi belgilep berdi. Sondai-aq, elimizde qolǵa alynǵan áleýmettik-ekonomikalyq jáne saiasi reformalardyń ári qarai jalǵasa beretinin naqty atap ótti.
Parlament Palatalarynyń birlesken otyrysynda Prezidentimiz saiasi reformalardyń kezekti toptamasyn jariialady. Soǵan sáikes saiasi partiialardyń Májiliske ótý shegi 7-den 5 paiyzǵa deiin tómendetiledi. Bul kóppartiialyqty damytý jolyndaǵy mańyzdy qadam ekeni sózsiz. Odan bólek, sailaý biýlletenderine «bárine qarsymyn» degen jazý engiziletin boldy jáne ákimderdi sailaý aiasyn keńeitý úshin tiisti sharalar qabyldanady» dep jazdy Senat Tóraǵasy.
Sondai-aq ol «Halyq únine qulaq asatyn memleket» tujyrymdamasyn iske asyrý maqsatymen onlain-petitsiia institýty zań júzinde resimdeletinin aitty. Mundai shara azamattyq qoǵamnyń belsendiligin arttyratyny anyq.
