Búgin «Nur Otan» partiiasy Tóraǵasynyń Birinshi orynbasary Máýlen Áshimbaev Ózbekstannyń Qazaqstandaǵy Tótenshe jáne Ókiletti Elshisi Saidikram Niiazhodjaevpen kezdesti. Onda taraptar eki el arasyndaǵy yntymaqtastyqty odan ári arttyryp, partiiaaralyq dialogty damytý jaiyn keńinen talqylady, dep habarlaidy "Ult aqparat" partiianyń baspasóz qyzmetine silteme jasap.
Sóz basynda Máýlen Áshimbaev baýyrlas eki eldiń ortaq qundylyqtaryna nazar aýdardy.
«Qazaq pen ózbek tarihy tamyrlas halyq. Bizdiń ortaq qundylyqtarymyz da óte kóp. Sondyqtan ekijaqty yntymaqtastyqty nyǵaitýdyń mańyzy zor. Osy rette memleketaralyq bailanysymyz Qazaqstannyń Tuńǵysh Prezidenti - Elbasy Nursultan Nazarbaev pen Ózbekstan prezidenti Shavkat Mirzieevtiń dostyq qarym-qatynasynyń nátijesinde jańa deńgeige kóterilgenin erekshe atap ótken jón. Bizdiń endigi mindetimiz - sol deńgeiden tómendemei, qazaq-ózbek bailanysyn odan ári kúsheitý», - dedi «Nur Otan» partiiasy Tóraǵasynyń Birinshi orynbasary.
Sonymen qatar ol eki eldiń saýda-ekonomikalyq bailanysynyń damý kórsetkishterine de toqtaldy. Onyń aitýynsha, ótken jyly Qazaqstan men Ózbekstan arasyndaǵy taýar ainalymy 2,5 mlrd. AQSh dollaryna jetip, 2017 jylǵy kórsetkishten 25 paiyzǵa artqan.
Máýlen Áshimbaev bul kórsetkishterdiń shektik deńgei emes ekenine toqtalyp, atalǵan iske ótken jyldyń qarashasynda Shymkent qalasynda jáne biyl naýryz aiynda Ózbek eliniń astanasy Tashkentte ótken aimaqaralyq forýmdardyń tigizer septigi mol bolaryna senim bildirdi.
Kezdesýde eki eldiń saiasi jáne ekonomikalyq máselelermen birge qorǵanys salasy, óńirdegi qaýipsizdikti qamtamasyz etý, beibitshilikti saqtaý siiaqty ortaq múddeler jaiynda da sóz boldy.
Sondai-aq «Nur Otan» partiiasy Tóraǵasynyń Birinshi orynbasary Qazaqstan men Ózbekstannyń Parlamentaralyq bailanysynyń da joǵary deńgeide ekenin tilge tiek etti. Óz sózinde ol taiaýda ǵana Qazaqstan Respýblikasy Parlamentiniń Senaty Qazaqstan men Ózbekstan úkimetteri arasyndaǵy Energetika salasyndaǵy yntymaqtastyqtyń keibir máseleleri týraly negizdemelik kelisimdi ratifikatsiialaǵanyn atap ótti.
«Qazaqstan Parlamentiniń delegatsiiasy 2017 jyly sol kezdegi Parlament Senatynyń Tóraǵasy, qazirgi Memleket basshysy Qasym-Jomart Toqaevtyń jetekshiligimen Ózbekstanǵa resmi saparmen bardy. Al 2018 jyldyń qarashasynda Ózbekstannyń Olii Majlis Zań shyǵarýshy palatasynyń spikeri Nýrdinjon Ismoilov resmi saparmen Qazaqstanǵa keldi. Bul saparlar eki eldiń parlamentaralyq bailanysynyń damýyna tyń serpin berdi», - dedi Máýlen Áshimbaev.
Odan bólek, kezdesýde taraptar partiiaaralyq dialogty damytýdyń tiimdi tetikterin talqylap, «Nur Otan» partiiasy men Ózbekstannyń liberaldy-demokratiialyq partiiasy men atalǵan saiasi qurylymdardyń jastar qanaty jáne jergilikti filialdary arasynda bailanys ornatý máselelerin sóz etti.
«Bul baǵyttar boiynsha «Nur Otan» partiiasy bailanys ornatýǵa daiyn. Óitkeni partiiamyzdyń, jastarymyz ben filialdarymyzdyń júieli qarym-qatynasy elderimizdiń damýyna oń yqpalyn tigizeri sózsiz», - dedi Máýlen Áshimbaev.
Budan basqa «Nur Otan» partiiasy Tóraǵasynyń Birinshi orynbasary Elbasynyń Qazaqstan Prezidenti retindegi ókilettigin toqtatý týraly tarihi sheshimi men partiianyń aldaǵy on jylǵa arnalǵan jańa baǵdarlamasy jaiynda áńgime qozǵap, elimizde Tuńǵysh Prezidentimizdiń saiasi baǵyt-baǵdary ári qarai jalǵasa beretinin aitty.
«Jańa baǵdarlamada halyqtyń ál-aýqatyn arttyrýǵa baǵyttalǵan naqty 10 maqsat anyqtaldy. Odan bólek, Elbasy, partiiamyzdyń Tóraǵasy 4 jalpyulttyq áleýmettik jobany kórsetip berdi. Aldaǵy ýaqytta «Nur Otan» partiiasy osy maqsat-mindetterdi oryndaý úshin jumys isteidi», - dedi Máýlen Áshimbaev.
Óz kezeginde Elshi myrza eki eldiń jan-jaqty bailanysyn nyǵaitý úshin bar kúsh-jigerin jumsaitynyn aityp, Ózbekstan tarapynyń partiiaaralyq yntymaqtastyqty jańa deńgeige shyǵarýǵa múddeli ekenin jetkizdi.
«Ózbek pen qazaq túbi bir týys halyq ekenin eshkim joqqa shyǵara almaidy. Qazirgi tańda eki eldiń qarym-qatynasy barlyq deńgeide turaqty damýda. Ózbekstan aldaǵy ýaqytta osy bailanysty odan ári kúsheitip, partiiaaralyq baǵytta damytýǵa múddeli. Sonyń ishinde jastar máselesi bizdiń basty nazarymyzda. Qazirgi tańda Qazaqstandaǵy oqý oryndarynda 9 myńnan astam ózbekstandyq jas azamat bilim alýda. Sondyqtan aldaǵy ýaqytta osy baǵytta júieli jumys isteimiz dep senemiz», - dedi Saidikram Niiazhodjaev.
Budan bólek, ol aimaqaralyq bailanysty damytýdyń mańyzy men birlesip jumys isteýdiń utymdy ekenine erekshe nazar aýdardy.
