بٷگٸن «Nur Otan» پارتيياسى تٶراعاسىنىڭ بٸرٸنشٸ ورىنباسارى مەۋلەن ەشٸمباەۆ ٶزبەكستاننىڭ قازاقستانداعى تٶتەنشە جەنە ٶكٸلەتتٸ ەلشٸسٸ سايديكرام نييازحودجاەۆپەن كەزدەستٸ. وندا تاراپتار ەكٸ ەل اراسىنداعى ىنتىماقتاستىقتى ودان ەرٸ ارتتىرىپ, پارتيياارالىق ديالوگتى دامىتۋ جايىن كەڭٸنەن تالقىلادى, دەپ حابارلايدى "ۇلت اقپارات" پارتييانىڭ باسپاسٶز قىزمەتٸنە سٸلتەمە جاساپ.
سٶز باسىندا مەۋلەن ەشٸمباەۆ باۋىرلاس ەكٸ ەلدٸڭ ورتاق قۇندىلىقتارىنا نازار اۋداردى.
«قازاق پەن ٶزبەك تاريحى تامىرلاس حالىق. بٸزدٸڭ ورتاق قۇندىلىقتارىمىز دا ٶتە كٶپ. سوندىقتان ەكٸجاقتى ىنتىماقتاستىقتى نىعايتۋدىڭ ماڭىزى زور. وسى رەتتە مەملەكەتارالىق بايلانىسىمىز قازاقستاننىڭ تۇڭعىش پرەزيدەنتٸ - ەلباسى نۇرسۇلتان نازارباەۆ پەن ٶزبەكستان پرەزيدەنتٸ شاۆكات ميرزيەەۆتٸڭ دوستىق قارىم-قاتىناسىنىڭ نەتيجەسٸندە جاڭا دەڭگەيگە كٶتەرٸلگەنٸن ەرەكشە اتاپ ٶتكەن جٶن. بٸزدٸڭ ەندٸگٸ مٸندەتٸمٸز - سول دەڭگەيدەن تٶمەندەمەي, قازاق-ٶزبەك بايلانىسىن ودان ەرٸ كٷشەيتۋ», - دەدٸ «Nur Otan» پارتيياسى تٶراعاسىنىڭ بٸرٸنشٸ ورىنباسارى.
سونىمەن قاتار ول ەكٸ ەلدٸڭ ساۋدا-ەكونوميكالىق بايلانىسىنىڭ دامۋ كٶرسەتكٸشتەرٸنە دە توقتالدى. ونىڭ ايتۋىنشا, ٶتكەن جىلى قازاقستان مەن ٶزبەكستان اراسىنداعى تاۋار اينالىمى 2,5 ملرد. اقش دوللارىنا جەتٸپ, 2017 جىلعى كٶرسەتكٸشتەن 25 پايىزعا ارتقان.
مەۋلەن ەشٸمباەۆ بۇل كٶرسەتكٸشتەردٸڭ شەكتٸك دەڭگەي ەمەس ەكەنٸنە توقتالىپ, اتالعان ٸسكە ٶتكەن جىلدىڭ قاراشاسىندا شىمكەنت قالاسىندا جەنە بيىل ناۋرىز ايىندا ٶزبەك ەلٸنٸڭ استاناسى تاشكەنتتە ٶتكەن ايماقارالىق فورۋمداردىڭ تيگٸزەر سەپتٸگٸ مول بولارىنا سەنٸم بٸلدٸردٸ.
كەزدەسۋدە ەكٸ ەلدٸڭ ساياسي جەنە ەكونوميكالىق مەسەلەلەرمەن بٸرگە قورعانىس سالاسى, ٶڭٸردەگٸ قاۋٸپسٸزدٸكتٸ قامتاماسىز ەتۋ, بەيبٸتشٸلٸكتٸ ساقتاۋ سيياقتى ورتاق مٷددەلەر جايىندا دا سٶز بولدى.
سونداي-اق «Nur Otan» پارتيياسى تٶراعاسىنىڭ بٸرٸنشٸ ورىنباسارى قازاقستان مەن ٶزبەكستاننىڭ پارلامەنتارالىق بايلانىسىنىڭ دا جوعارى دەڭگەيدە ەكەنٸن تٸلگە تيەك ەتتٸ. ٶز سٶزٸندە ول تاياۋدا عانا قازاقستان رەسپۋبليكاسى پارلامەنتٸنٸڭ سەناتى قازاقستان مەن ٶزبەكستان ٷكٸمەتتەرٸ اراسىنداعى ەنەرگەتيكا سالاسىنداعى ىنتىماقتاستىقتىڭ كەيبٸر مەسەلەلەرٸ تۋرالى نەگٸزدەمەلٸك كەلٸسٸمدٸ راتيفيكاتسييالاعانىن اتاپ ٶتتٸ.
«قازاقستان پارلامەنتٸنٸڭ دەلەگاتسيياسى 2017 جىلى سول كەزدەگٸ پارلامەنت سەناتىنىڭ تٶراعاسى, قازٸرگٸ مەملەكەت باسشىسى قاسىم-جومارت توقاەۆتىڭ جەتەكشٸلٸگٸمەن ٶزبەكستانعا رەسمي ساپارمەن باردى. ال 2018 جىلدىڭ قاراشاسىندا ٶزبەكستاننىڭ وليي ماجليس زاڭ شىعارۋشى پالاتاسىنىڭ سپيكەرٸ نۋردينجون يسمويلوۆ رەسمي ساپارمەن قازاقستانعا كەلدٸ. بۇل ساپارلار ەكٸ ەلدٸڭ پارلامەنتارالىق بايلانىسىنىڭ دامۋىنا تىڭ سەرپٸن بەردٸ», - دەدٸ مەۋلەن ەشٸمباەۆ.
ودان بٶلەك, كەزدەسۋدە تاراپتار پارتيياارالىق ديالوگتى دامىتۋدىڭ تيٸمدٸ تەتٸكتەرٸن تالقىلاپ, «Nur Otan» پارتيياسى مەن ٶزبەكستاننىڭ ليبەرالدى-دەموكراتييالىق پارتيياسى مەن اتالعان ساياسي قۇرىلىمداردىڭ جاستار قاناتى جەنە جەرگٸلٸكتٸ فيليالدارى اراسىندا بايلانىس ورناتۋ مەسەلەلەرٸن سٶز ەتتٸ.
«بۇل باعىتتار بويىنشا «Nur Otan» پارتيياسى بايلانىس ورناتۋعا دايىن. ٶيتكەنٸ پارتييامىزدىڭ, جاستارىمىز بەن فيليالدارىمىزدىڭ جٷيەلٸ قارىم-قاتىناسى ەلدەرٸمٸزدٸڭ دامۋىنا وڭ ىقپالىن تيگٸزەرٸ سٶزسٸز», - دەدٸ مەۋلەن ەشٸمباەۆ.
بۇدان باسقا «Nur Otan» پارتيياسى تٶراعاسىنىڭ بٸرٸنشٸ ورىنباسارى ەلباسىنىڭ قازاقستان پرەزيدەنتٸ رەتٸندەگٸ ٶكٸلەتتٸگٸن توقتاتۋ تۋرالى تاريحي شەشٸمٸ مەن پارتييانىڭ الداعى ون جىلعا ارنالعان جاڭا باعدارلاماسى جايىندا ەڭگٸمە قوزعاپ, ەلٸمٸزدە تۇڭعىش پرەزيدەنتٸمٸزدٸڭ ساياسي باعىت-باعدارى ەرٸ قاراي جالعاسا بەرەتٸنٸن ايتتى.
«جاڭا باعدارلامادا حالىقتىڭ ەل-اۋقاتىن ارتتىرۋعا باعىتتالعان ناقتى 10 ماقسات انىقتالدى. ودان بٶلەك, ەلباسى, پارتييامىزدىڭ تٶراعاسى 4 جالپىۇلتتىق ەلەۋمەتتٸك جوبانى كٶرسەتٸپ بەردٸ. الداعى ۋاقىتتا «Nur Otan» پارتيياسى وسى ماقسات-مٸندەتتەردٸ ورىنداۋ ٷشٸن جۇمىس ٸستەيدٸ», - دەدٸ مەۋلەن ەشٸمباەۆ.
ٶز كەزەگٸندە ەلشٸ مىرزا ەكٸ ەلدٸڭ جان-جاقتى بايلانىسىن نىعايتۋ ٷشٸن بار كٷش-جٸگەرٸن جۇمسايتىنىن ايتىپ, ٶزبەكستان تاراپىنىڭ پارتيياارالىق ىنتىماقتاستىقتى جاڭا دەڭگەيگە شىعارۋعا مٷددەلٸ ەكەنٸن جەتكٸزدٸ.
«ٶزبەك پەن قازاق تٷبٸ بٸر تۋىس حالىق ەكەنٸن ەشكٸم جوققا شىعارا المايدى. قازٸرگٸ تاڭدا ەكٸ ەلدٸڭ قارىم-قاتىناسى بارلىق دەڭگەيدە تۇراقتى دامۋدا. ٶزبەكستان الداعى ۋاقىتتا وسى بايلانىستى ودان ەرٸ كٷشەيتٸپ, پارتيياارالىق باعىتتا دامىتۋعا مٷددەلٸ. سونىڭ ٸشٸندە جاستار مەسەلەسٸ بٸزدٸڭ باستى نازارىمىزدا. قازٸرگٸ تاڭدا قازاقستانداعى وقۋ ورىندارىندا 9 مىڭنان استام ٶزبەكستاندىق جاس ازامات بٸلٸم الۋدا. سوندىقتان الداعى ۋاقىتتا وسى باعىتتا جٷيەلٸ جۇمىس ٸستەيمٸز دەپ سەنەمٸز», - دەدٸ سايديكرام نييازحودجاەۆ.
بۇدان بٶلەك, ول ايماقارالىق بايلانىستى دامىتۋدىڭ ماڭىزى مەن بٸرلەسٸپ جۇمىس ٸستەۋدٸڭ ۇتىمدى ەكەنٸنە ەرەكشە نازار اۋداردى.
