Senat spikeri Máýlen Áshimbaev ushaq apatynan qaza tapqan áskeri qyzmetkerlerdiń týystaryna kóńil aitty, dep habarlaidy "Ult aqparat".
«Almaty áýejaiynda bolǵan ushaq apaty bárimizdiń qabyrǵamyzdy qaiystyrdy. Tótenshe jaǵdai saldarynan qaza tapqan áskeri qyzmetkerlerdiń týystaryna orny tolmas qaiǵylaryna ortaqtasyp, kóńil aitamyn. Jaraqat alǵan azamattardyń tezirek saýyǵyp ketýine tilektespiz. Mundai qaiǵyly oqiǵalar elimizde qaitalanbasyn dep tileiik», - dep jazdy QR Parlamenti Senatynyń tóraǵasy Máýlen Áshimbaev Facebook paraqshasyna.
Eske sala ketsek, búgin Almaty áýejaiy mańynda áskeri ushaq apatqa ushyrap, 4 adam qaza tapty.
«Búgin 17:20-da Nur-Sultan-Almaty» baǵytynda ushyp shyqqan UQK áýe qyzmetiniń AN-26 ushaǵy apatqa ushyrady. Birden dabyl qaǵyldy. Oqiǵa ornyna apattyq qutqarý jasaǵy shuǵyl attandy. Aldyn ala taralǵan aqparatqa sáikes, bort ushý qoný jolaǵynyń bas jaǵynda qulaǵan», - dedi áýejaidyń baspasóz qyzmeti.
