Búgin «Nur Otan» partiiasynyń qoldaýymen ótken «BLIND RACE ASTANA – PARIS» qurlyqaralyq velomarafonynyń qatysýshylarymen kezdesken partiia Tóraǵasynyń Birinshi orynbasary osylai dedi.
Bul marafonnyń basty ereksheligi oǵan kózi múldem kórmeitin jáne nashar kóretin zaǵip jandardyń qatysýy boldy. Soǵan qaramastan olar eriktilermen tandem quryp, Astanadan Parijge deiingi 5 myń shaqyrym joldy velosipedpen júrip ótti. Qazaqstan, Resei, Belarýs, Polsha, Germaniia, Frantsiia elderindegi 30 birdei qalany basyp ótip, elge oralǵan jandarmen kezdesýinde Máýlen Áshimbaev olardy marafonnyń sátti aiaqtalýymen quttyqtady.
– Qatarynan úsh jyl boiy ótkizilip kele jatqan velomarafonǵa biyl «Nur Otan» partiiasy da qoldaý kórsetip, onyń tabysty júzege asyrylýyna atsalysty. Sonyń nátijesinde joba qurlyqaralyq deńgeige kóterilip otyr. Osy joldaǵy sizderdiń qajyr-qairattaryńyz, ómirge degen qushtarlyqtaryńyz ben jeńiske degen qulshynystaryńyz, tózimdilikterińiz ben tabandylyqtaryńyz jáne erik-jigerińiz barsha halyqqa, ásirese jastarǵa úlgi bolatyn ónegeli is. Halyq ózderińizdei rýhy myqty jandardy qashanda qurmet tutyp, maqtan etedi, – degen Máýlen Áshimbaev aldaǵy ýaqytta da partiia osyndai igi bastamalarǵa qoldaý kórsetý isin jalǵastyra beretinin aitty.
Sondai-aq «Nur Otan» partiiasy Tóraǵasynyń Birinshi orynbasary partiia qyzmetin jańǵyrtý aiasynda qaita jandanǵan «Kedergisiz keleshek» partiialyq jobasyna da toqtalyp ótti.
– Búginde partiia múmkindigi shekteýli jandarǵa qoldaý kórsetý maqsatynda «Kedergisiz keleshek» jobasyn júieli júzege asyryp keledi. Bul joba partiia qyzmetin jańǵyrtý aiasynda jandanyp, jańasha qarqyn aldy. Sonyń nátijesinde naqty basymdyqtar anyqtaldy. Iaǵni, múmkindigi shekteýli jandarǵa arnalǵan kedergisiz orta qalyptastyrý, olardyń inkliýzivti bilim alýlaryna yqpal etý, jumysqa ornalasýlaryna qoldaý kórsetý jáne osy salaǵa qatysty zańnamalardy odan ári jetildirýge airyqsha kóńil bólip otyrmyz. Sondai-aq partiia elimizdegi saiasi ómirge belsene aralasyp, máslihat, Májilis sailaýlaryna qatysqysy keletin múmkindigi shekteýli jandarǵa da qoldaý kórsetýge daiyn, – dedi Máýlen Áshimbaev.
Aita keteiik, velomarafon barysynda qatysýshylar kúnine 100-200 shaqyrym jol júrip otyrǵan. Zaǵip jandar negizinen ekikisilik velosipedte stokerdiń (artqy oryndyqta otyryp, júrgizetin velosipedshi) mindetin atqarǵan. Al pilottyń rólin eriktiler atqardy. Soǵan bailanysty olarǵa negizinen joldy baǵdarlaý, velosipedti basqarý siiaqty mindetter júktelse, basty kúsh stokerlerge túsken.
