Máýlen Áshimbaev: "Bes áleýmettik bastama – der kezinde qabyldanǵan sheshim"

Biyl Batys Qazaqstan oblysynda memlekettik baǵdarlamalar aiasynda 21 kópqabatty turǵyn úidiń qurylysy bastalǵan. Tiimdi sharttar arqyly 3 200 páter óz ielerin kútip otyr. Biyl 4 kópqabatty turǵyn úi tapsyrylady dep josparlanǵan. Bul týraly Batys Qazaqstan oblysyna «Nur Otan» partiiasy Tóraǵasynyń Birinshi orynbasary Máýlen Áshimbaevtyń arnaiy sapary barysynda belgili boldy.

Búgin Oral qalasynda Prezidenttiń bes áleýmettik bastamasynyń jáne jańa partiialyq jobalardyń júzege asyrylý barysyna baqylaý júrgizip, atqarylǵan jumys barysymen tanysýǵa kelgen Máýlen Áshimbaev oblysy ákimi Altai Kólginovpen birge «7-20-25» baǵdarlamasynyń aimaqtaǵy alǵashqy qatysýshylaryna páter kilterin tabystady.

Toǵyz qabatty toqsan páterden turatyn turǵyn úidegi baspanalar QR Prezidentiniń Bes áleýmettik bastamasy aiasynda qolǵa alynǵan «7-20-25» baǵdarlamasy boiynsha tabystaldy. «7-20-25» baǵdarlamasynyń júzege asyrýǵa jaýapty ekinshi deńgeili bank ókilderiniń aitýynsha, Batys Qazaqstan oblysy boiynsha 75 ótinish kelip túsip, onyń 55-si boiynsha oń sheshim shyqqan. Jaqyn ýaqytta azamattar óz páterleriniń kilterin alady.

Máýlen Áshimbaev qazirgi kezde baspana eń ózekti máselelerdiń biri ekenin, «7-20-25» baǵdarlamasy sol máseleni tiimdi sheshýge baǵyttalǵan mańyzdy bastama, ásirese jas otbasylar úshin úlken múmkindik ekenin atap ótti.

- Baspanany kez kelgen otbasy úshin bolashaqqa salynǵan investitsiia desek te, artyq emes. Osylaisha Elbasy barsha qazaqstandyqtardyń úili bolýyna dańǵyl jol ashyp, ipotekalyq nesielerdiń qoljetimdiligin qamtamasyz etip otyr. Osy sapar nátijesinde bes bastamanyń Batys Qazaqstan oblysynda tabysty júzege asyrylyp jatqanyna kýá boldyq. Aldaǵy ýaqytta da partiia bul jumystardy baqylaýdy jalǵastyra beredi, – dedi partiia Tóraǵasynyń Birinshi orynbasary.

Sondai-aq, Máýlen Áshimbaev Jastar jáne oqýshylar saraiynda ashylǵan kovorking ortalyqta óńirlik jastar uiymdarynyń ókilderimen kezdesti. «Bastaý» kovorking ortalyǵy – frilans rejiminde jastardyń biznes, shyǵarmashylyq, oqý baǵdarlamalary aiasyndaǵy kreativti jobalaryn (qyzyǵýshylyǵy boiynsha klýbtar, kórmeler, úiirmeler, sheberlik synyptar, treningter, English club t.b.) jaryqqa shyǵaryp, júzege asyrýǵa múmkindik beredi. 

Jastar uiymdarynyń ókilderimen ótken kezdesýde «Nur Otan» partiiasy Tóraǵasynyń Birinshi orynbasary Elbasynyń tikelei tapsyrmasymen partiia qolǵa alǵan 20-dan astam jańa joba jaily baiandady. Sonymen qatar, Máýlen Áshimbaev jastardy Tsifrlandyrýdy júzege asyrý, «Rýhani jańǵyrý» baǵdarlamasyna úles qosýǵa baǵyttalǵan jańa par­tiialyq jobalardy júzege asyrýǵa jáne aldaǵy ýaqytta elimizde keńinen engizý úshin jastar ideialary men jobalarynyń tizimin jasaýǵa belsene qatysýǵa shaqyr­dy. Qazir aqparat zamany ekenin aityp, osyndai kezeńde Elbasy anyqtap bergen mindet­terdi júzege asyryp, maqsatqa qol jetkizý jolynda jastardyń boiynda qandai qasietter bolýy kerektigine toqtaldy.

 – Qazirgi tańda álemdik geosaiasi jaǵdai óte kúrdeli. Kún saiyn túrli úrdister men jańa ekonomikalyq qundy­lyqtar paida bolýda. Osyndai kezde ultty saqtap, odan ári damý úshin ulttyq múddeni kúsheitip, ekonomikany nyǵai­typ, jańa tehnologiia­lardy keńinen qol­danýymyz kerek. Birinshiden ár adam ózin-ózi únemi jetildirip, damytyp, izdenýi tiis. Kásibi, ziiatkerlik jáne bilim deńgeiin arttyrýǵa erekshe kóńil bólýleri kerek. Kitap oqýdy igi dástúrge ainaldyrýy qajet. Bul rette oqityn kitaptardy durys tańdaý kerekti­gin de eskergenimiz jón. Ekinshiden, sana­nyń ashyqtyǵyn qalyptastyrýymyz kerek. Elbasy da «Rýhani jańǵyrý» baǵdarla­masynda osy máseleni kótergeni belgili. Iaǵni, jastar birjaqty bolmai, kez kelgen máselege qatysty basqa da balama pikirlerdi eskerip, dúnietanym aiasyn udaiy keńeitip otyrýy tiis. Úshinshiden, jastar aldaryna naqty maqsattar qoiyp, durys armandai bilýleri tiis. Óitkeni jastarynyń armany asqaq, maqsaty aiqyn bolmasa, ondai eldiń bolashaǵy bulyńǵyr. Sondyqtan jastar aldaryna strategiialyq maqsattar qoiyp, soǵan jetý jolynda bar kúsh-jigerin jumsaýy kerek, – dedi Máýlen Áshimbaev.

Sapar barysynda Máýlen Áshimbaev aimaqtaǵy partiia aktivimen kezdesti. Keleli kezdesýde Prezidenttiń bes áleýmettik bastamasynyń jáne jańa partiialyq jobalardyń júzege asyrylý barysyna baqylaý júrgizip, atqarylǵan jumys barysy talqylandy.