Sýret: ashyq derekkóz
Senat Tóraǵasy Máýlen Áshimbaev Palata otyrysynda mass-media týraly zańdy qaraý barysynda balalarǵa arnalǵan qazaqsha kontent jasaýshylardy júieli túrde qoldaý qajettigin aitty. Áshimbaev bul máseleni keshe qazaq tilinde kontent jasap júrgen kreativti indýstriia ókilderiniń forýmynda talqylaǵanyn atap ótti, dep habarlaidy "Ult aqparat" QR Senatynyń Baspasóz qyzmetine silteme jasap.
«Keshe kreativti indýstriia ókilderiniń forýmyna qatystyq. Sol jerde qazaq tilinde balalarǵa arnalǵan kontent jasap júrgen mamandar biraz problemany kóterdi. Onyń ishinde qarjylandyrý, marketing, aqparattarǵa qoljetimdilikti qamtamasyz etý siiaqty ózekti máseleler bar. Osyǵan bailanysty búgin qaralyp jatqan zań aiasynda balalarǵa arnap qazaqsha kontentter jasaityn jastardy, ujymdardy qoldaý tetikterin de nazarǵa alýymyz kerek. Memleket tarapynan kórsetiletin mundai qoldaý bir rettik emes, júieli túrde bolýǵa tiis. Senat aldaǵy ýaqytta osy baǵytta múddeli taraptarmen tiisti jumysty jalǵastyrady», – dedi Senat Spikeri.
Aita keteiik, búgin Palata otyrysynda senatorlar «Mass-media týraly» zańdy jáne oǵan ilespe «Qazaqstan Respýblikasynyń keibir zańnamalyq aktilerine mass-media máseleleri boiynsha ózgerister men tolyqtyrýlar engizý týraly», «Qazaqstan Respýblikasynyń Ákimshilik quqyq buzýshylyq týraly kodeksine mass-media máseleleri boiynsha ózgerister engizý týraly» zańdardy qarap, maquldady.
.jpg)
